U niamieckim horadzie Visbaden demantavali pazałočanuju čatyrochmietrovuju statuju prezidenta Turcyi Redžepa Taipa Erdahana, ustalavanuju raniej u ramkach fiestyvalu sučasnaha mastactva Wiesbaden Biennalie. Ab hetym paviedamlajecca ŭ Twitter miascovaj palicyi.
Adznačajecca, što statuja była demantavanaja z dapamohaj krana, paśla čaho jaje vyvieźli.
Administracyja horada patłumačyła ŭ tvitary, što rašeńnie prybrać statuju było pryniata ŭ metach biaśpieki.
Skulptura była ŭstalavanaja ŭ noč na 28 žniŭnia na haradskim placy Adzinstva. Jana ŭjaŭlała saboj pafarbavanuju ŭ załaty koler postać Erdahana, jakaja pakazvaje palcam u nieba. U municypalnaj radzie tady razhledzieli pytańnie ab źjaŭleńni statui i vyrašyli ničoha nie rabić, patłumačyŭšy heta pavahaj svabody samavyjaŭleńnia.
Fiestyval Wiesbaden Biennale pravodzicca z 1992 hoda.
