U pierapis 2009 hoda byli ŭklučanyja try pytańni pra vałodańnie movami:
- vaša rodnaja mova (mova, zasvojenaja pieršaj u rańnim dziacinstvie);
- mova, na jakoj vy razmaŭlajecie doma;
- inšyja movy, jakimi vy svabodna vałodajecie».
«Dyk voś, z apošnim pytańniem uźnikła šmat kazusaŭ. Na praktycy atrymałasia jak? Byli vypadki, kali respandent adkazvaŭ: «Ja ałfavit viedaju, pišycie, što viedaju anhlijskuju», — tłumačyć namieśnica staršyni Biełstata Žanna Vasileŭskaja.
Tamu ŭ pierapisie-2019 heta pytańnie prybiaruć. Zamiest jaho budzie inšaje: «Jakuju dadatkovuju adukacyju vy atrymoŭvali ciaham apošniaha hodu».
Žanna Vasileŭskaja źviartaje ŭvahu, što na moŭnyja pytańni treba budzie dać adzin adkaz: nielha skazać, što razmaŭlaju doma i pa-biełarusku, i pa-rusku. Treba budzie vybrać tuju, jakaja vykarystoŭvajecca čaściej.
A svajoj rodnaj movaj čałaviek zmoža nazvać lubuju movu, jakaja isnuje.
«U našych śpiecyjalistaŭ u płanšetach pradstaŭlenyja ŭsie movy śvietu, jakija isnujuć. Tamu, kali, naprykład, respandent zachoča ŭdakładnić, što jaho rodnaja mova nie tatarskaja, a mišarskaja, abo nie cyhanskaja, a boša, jon zmoža heta zrabić. U piśmovych błankach heta budzie raździeł «inšyja movy», — tłumačyć Vasileŭskaja.
Bolšaść nasielnictva krainy tradycyjna ličyć rodnaj movaj biełaruskuju. U 2009 hodzie taki adkaz dali 53,2% nasielnictva Biełarusi.
Tavarystva biełaruskaj movy zaklikała i ŭ 2019 hodzie nazvać rodnaj movaj biełaruskuju
«My prapanujem vam niezaležna ad vašych palityčnych i relihijnych pohladaŭ, a taksama nacyjanalnaści padčas praviadzienńnia pierapisu razmaŭlać ź pierapisčykami na biełaruskaj movie, zapaŭniać apytalnyja listy na biełaruskaj movie i paznačać svaju rodnuju movu tak: biełaruskaja. Tym samym vy zaśviedčycie svaju prynaležnaść da historyi i kultury našaha naroda, padtrymajecie biełaruskuju movu i paspryjajecie ŭmacavańniu niezaležnaści i nacyjanalnaj biaśpieki Biełarusi», — adznačajuć aŭtary zvarotu.
