YouTube praciahvaje prydumlać novyja funkcyi, jakija dajuć karystalnikam vyrazny ahlad ich zvyčak. Ciapier jany zmohuć daviedacca, kolki hadzin patracili na prahlad videa.
«Naša meta — lepš vyvučyć čas, vydatkavany na YouTube, kab vy mahli prymać abhruntavanyja rašeńni ab tym, jak vy chočacie ŭpisvać YouTube u vaša žyćcio», — adznačajuć pradstaŭniki kampanii.
U abnoŭlenym profili funkcyja Time Watched raskaža, kolki času na prahlad videa vy patracili siońnia, učora i za apošnija 7 dzion. Pa słovach kampanii, hetaja infarmacyja raźličvajecca na asnovie vašaj historyi prahladaŭ YouTube. Heta aznačaje, što kali vy vydalili videa sa svajoj historyi ci pierahledzieli ŭ režymie inkohnita, hety čas nie budzie ŭličvacca.
Nahadajem, raniej płatforma ŭžo anansavała funkcyju, jakaja prapanuje karystalnikam adarvacca ad videa i zrabić pierapynak.
