Załaty traktar MTZ «Belarus-82» pradstavili na vystavie «Technapram-2018» u Novasibirsku, jakuju naviedaŭ napiaredadni prezident Rasii Uładzimir Pucin, paviedamlaje BiełTA.
Fota: TAA «MTZ-Sibir»
Mašyna ŭsio ž nie z zołata, jak zdajecca na pieršy pohlad. Dapracavanuju madel traktara pakryli kaštoŭnaj plonkaj. Adzin ź sibirskich pakupnikoŭ navat zakazaŭ hetuju madel.
«Čamu jon u zołacie? Tamu što, pa-pieršaje, heta śpiecyjalny zakaz dylera. Pa-druhoje, vykanańniem u zołacie my chacieli padkreślić, što heta samaja papularnaja ŭ śviecie madel traktaroŭ «Biełarus». Heta fłahman biełaruskaha mašynabudavańnia», — padkreśliŭ hienieralny dyrektar handlovaha doma «MTZ-Sibir» Dźmitryj Biełajc.
BiełTA paviedamlaje, što nie prajšoŭ mima traktara i Pucin. Jon acaniŭ ideju i pakinuŭ aŭtohraf kiraŭnikam dylerskaha centra MTZ.
