Navukova-daśledčy i vytvorčy centr supierkandensataraŭ adkryŭsia ŭ Kitajska-biełaruskim industryjalnym parku «Vialiki kamień», pieradaje BiełTA.
Fota: BiełTA.
Prajekt realizuje TAA «Čendu Sińdžu Šaŭkovy Šlach Raźvićcio». Zavod budavaŭsia z 2016 hoda, ciapier jaho pačali ekspłuatavać. U technałahičny cykł ŭklučany zborka, vytvorčaść, testavańnie, techničnaje i harantyjnaje absłuhoŭvańnie supierkandensataraŭ, a taksama raboty, źviazanyja ź ich ustanoŭkaj na transpartny srodak. Siońnia ŭ «Vialikim kamiani» adbyłasia ŭračystaja cyrymonija adkryćcia zavoda.
Vyrablenyja na zavodzie supierkandensatary buduć vyznačacca skaročanym časam zaradki i ekanomijaj elektraenierhii. Zaradka zojmie tolki 6 chvilin, a adlehłaść, jakuju možna pieraadoleć na 1 zaradcy, moža być bolšaj za 30 kiłamietraŭ.
Sa śniežnia 2016 hoda ŭ Minsku ŭžo jeździać 20 elektrobusaŭ z vykarystańniem supierkandensataraŭ, jakija vypuskajucca TAA «Čendu Sińdžu Šaŭkovy Šlach Raźvićcio».
