Sa śpiecvučylišča № 2 u Mahilovie znoŭ źbiehli padletki, paviedamili TUT.BY daśviedčanyja krynicy. Pa ich dadzienych, troje padletkaŭ pakinuli zakrytuju ŭstanovu 30 žniŭnia i da hetaha času znachodziacca ŭ vyšuku.

— Heta dakładnyja źviestki. Siarod ich jość i chłopiec, jaki źbiahaŭ u minuły raz, 26 listapada, — rastłumačyła krynica. — Ich užo tydzień nie mohuć znajści. Dzie znachodziacca dzieci? Što ź imi? Čamu za imi nie hladziać? I što takoje adbyvajecca ŭ hetym vučyliščy, što dzieci adtul biahuć?

U Ministerstvie adukacyi paćvierdzili fakt uciokaŭ padletkaŭ.

Pa słovach dyrektara śpiecvučylišča Vitala Lebiedzieva, troje padletkaŭ sapraŭdy źbiehli 30 žniŭnia ŭ abiedzienny čas. Praŭda, nie z terytoryi ŭstanovy, a z padletkavaha łahiera «Adradžeńnie» pry Mahiloŭskaj jeparchii, jaki znachodzicca ŭ mužčynskim manastyry pad Mścisłavam.

- U nas nie turma, a vučebna-vychavaŭčaja ŭstanova zakrytaha typu. U nas niama kalučaha drotu na płocie. U nas pracujuć vychavalniki, i my viadziem ź dziećmi vychavaŭčuju pracu, tamu jość sistema zaachvočvańniaŭ i pakarańniaŭ, - rastłumačyŭ Vital Mikałajevič. - U nas nie zvyčajnyja dzieci, a tyja, chto ŭčyniŭ administracyjnaje abo kryminalnaje dziejańnie. I my starajemsia ich pieravychoŭvać. Heta ŭdajecca. Užo byŭ precedent, kali chłopiec pakinuŭ našu ŭstanovu daterminova - jon dobra vučyŭsia, atrymaŭ śpiecyjalnaść. Jość jašče niekalki dziaciej, jakija taksama pretendujuć na heta.

Padletkam pa 17 hadoŭ. Siarod ich - adzin z tych, chto ŭžo źbiehaŭ raniej i ciapier prachodzić paciarpiełym pa spravie ab abvinavačvańni eks-kiraŭnictva SPTV u źbivańni navučencaŭ. Dyrektar śpiecvučylišča padkreśliŭ, što dvoje padletkaŭ nieŭzabavie pavinny byli pakinuć SPTV, ale «adzin ich padbiŭ na ŭcioki».

Vital Lebiedzieŭ paabiacaŭ paviedamić, jak tolki chłopcaŭ znojduć.

Navučency rehularna ździajśniali ŭcioki z SPTV № 2 z 2014 hoda. Spačatku - piać chłopcaŭ, potym - tryccać čatyry. Praz try tydni paśla hetaha ŭstanovu samavolna pakinuli dvoje chłopcaŭ. Za 2015 hod takich vypadkaŭ było try - padletki źbiahali pa dvoje-troje. Pryčym maci adnaho ź ich vykazvała apasieńnie za žyćcio dziciaci, jakomu treba było viartacca ŭ vučylišča paśla ŭciokaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?