Urad Biełarusi abmiarkoŭvaje z uładami Rasii vyłučeńnie kredytaŭ na 1,4 młrd dalaraŭ, piša tut.by. Dyjałoh idzie ŭ ramkach padrychtoŭki da sustrečy kiraŭnictva dźviuch krain. Pra heta 6 vieraśnia zajaviŭ žurnalistam premjer-ministr Siarhiej Rumas.

Pavodle jaho słoŭ, u płanach na 2019 h. značycca refinansavańnie 1 młrd dalaraŭ pa linii biełaruska-rasijskaha supracoŭnictva.

Na 21 vieraśnia zapłanavana sustreča Alaksandra Łukašenki i Uładzimira Pucina z udziełam pradstaŭnikoŭ uradaŭ Biełarusi i Rasii.

Akramia taho, na paradku dnia pytańni pradastaŭleńnia šostaha i siomaha tranšaŭ pa linii padkantrolnaha Maskvie Jeŭrazijskaj fondu stabilizacyi i raźvićcia na ahulnuju sumu 400 młn dalaraŭ.

Siońnia namieśnik staršyni Jeŭrazijskaha banka raźvićcia Andrej Krajni zapeŭniŭ, što Biełaruś na praciahu miesiaca atrymaje «zavisłyja» 200 młn dalaraŭ kredytu.

«Pytańnie čysta techničnaje, idzie afarmleńnie», - adznačyŭ Krajni, padkreśliŭšy, što srodki vydatkoŭvajucca tańniej za rynak - pad 4%. Pry hetym, ličyć ekśpiert, mety, na jakija vydatkoŭvaŭsia kredyt, u cełym dasiahnutyja.

Клас
Панылы сорам
Ха-ха
Ого
Сумна
Абуральна