Heta supracoŭniki centra, im pahražaje da dziesiaci hadoŭ źniavoleńnia, piša Polskaje radyjo.

Supracoŭniki palicyi zatrymali dvoje mužčyn, jakija padazrajucca ŭ zakładvańni bomby ŭ handlovym centry ŭ Biełastoku. Prymityŭnaje vybuchovaje prystasavańnie vybuchnuła ŭ paniadziełak. Bombu padkłali dva supracoŭniki centra.

U paniadziełak u palicyju pastupiła paviedamleńnie ab vybuchu ŭ adnym z pamiaškańniaŭ administratara handlovaha centra. Vybuchnuła častka prymityŭnaj bomby, chutčej za ŭsio petarda, adnak heta nie pryviało da vybuchu butelek z benzinam.

Tady ŭ pakoi znachodziŭsia adzin rabotnik, ale jon nie paciarpieŭ. Palicyja vyśvietliła, što 65-hadovy supracoŭnik handlovaha centra paprasiŭ stvaryć vybuchoŭku svajho maładziejšaha kalehu. Śledčyja vyznačajuć matyvy ustanoŭki bomby.

Prakuratura vyniesła abvinavačvańni ŭ naniasieńni pahrozy žyćciu abo zdaroŭju mnohich ludziej, a taksama ŭ sprobie źniščyć majomaść vybuchovym prystasavańniem. Mužčynam pahražaje da dziesiaci hadoŭ turmy.

Клас
Панылы сорам
Ха-ха
Ого
Сумна
Абуральна