Namieśnik ministra transpartu RF Mikałaj Asauł pryznačany handlovym pradstaŭnikom Rasii ŭ Biełarusi. Heta vynikaje z rasparadžeńnia premjer-ministra Dźmitryja Miadźviedzieva, piša TUT.BY.
Fota: mintrans.ru
«Pryznačyć Asauła Mikałaja Anatoljeviča handlovym pradstaŭnikom Rasijskaj Fiederacyi ŭ Respublicy Biełaruś, vyzvaliŭšy jaho ad pasady», — havorycca ŭ rasparadžeńni.
Mikałaj Asauł naradziŭsia 21 krasavika 1977 hoda ŭ Sankt-Pieciarburhu, u 2007—2010 uznačalvaŭ kamitet pa transpartna-tranzitnaj palitycy ŭrada Sankt-Pieciarburha, z 16 śniežnia 2010 hoda zajmaŭ pasadu namieśnika kiraŭnika Mintransa, kuryravaŭ pytańni, źviazanyja z aŭtamabilnym transpartam.
Raniej handlovym pradstaŭnikom Rasii ŭ Biełarusi byŭ Kanstancin Arciušyn.
24 žniŭnia Uładzimir Pucin pryznačyŭ Michaiła Babiča pasłom Rasii ŭ Biełarusi, a taksama śpiecpradstaŭnikom prezidenta pa raźvićci handlova-ekanamičnaha supracoŭnictva ź Biełaruśsiu.
