Adnym z kandydataŭ na vybarach kiraŭnika «DNR» moža stać Natalla Zacharčanka, udava pieršaha kiraŭnika «respubliki» Alaksandra Zacharčanki. Pra heta radyjostancyi «Havoryć Maskva» paviedamiŭ Alaksandr Kazakoŭ, daradca zahinułaha.
«Natalla Uładzimiraŭna - čałaviek taki surjozny, jana nie prosta tak vajavała razam sa svaim mužam», — skazaŭ jon.
Na pasadu kiraŭnika DNR, na jaho dumku, taksama mohuć pretendavać staršynia «Narodnaha savieta» respubliki Dzianis Pušylin, pryznačany v.a. kiraŭnika DNR, vice-premjery Dźmitryj Trapieźnikaŭ i Alaksandr Cimafiejeŭ, a taksama «narodny hubiernatar» Danieckaj vobłaści Pavieł Hubaraŭ.
Pa słovach Kazakova, kali raniej ideja praviadzieńnia ŭ DNR vybaraŭ pastajanna adkładałasia, bo, zhodna ź jaho źviestkami, kandydatura Zacharčanki była biezalternatyŭnaj, to paśla hibieli pieršaha kiraŭnika «respubliki» situacyja źmianiłasia.
Natalla Zacharčanka paśla hibieli muža, jak paviedamlaŭ NTV, u vajskovaj formie i z čornaj paviazkaj na hałavie pryjechała na pieradavuju na Danbasie, dzie paabiacała bajevikam padtrymku. «Kali ŭ kahości jość niejkija pytańni, prablemy, prośby. Ličycie, što vy źviartajeciesia da jaho, kali kamuści soramna budzie », - skazała jana, dadaŭšy, što choča adpomścić za zabojstva muža.
