Alaksandr Subocin
Alaksandr Subocin i Viktar Nazaranka aficyjna pazbavilisia svaich vysokich pasad u Biełarusi.
Nazaranka vyzvaleny ad pasady staršyni Dziaržkamiteta pa standartyzacyi. Subocin pierastaŭ być pamočnikam prezidenta - inśpiektaram pa Viciebskaj vobłaści. Adpaviednyja ŭkazy siońnia padpisaŭ Alaksandr Łukašenka, paviedamlaje BiełTA.
Pryčyny adstavak - pierachod na inšuju pracu.
Subocin (nar. u 1976 h.) byŭ pryznačany pamočnikam pa Viciebskaj vobłaści hod tamu, u vieraśni 2017 hoda. Pierad hetym pracavaŭ namieśnikam ministra sielskaj haspadarki i charčavańnia — dyrektaram Departamienta vieterynarnaha i charčovaha nahladu. Pierad hetym z 2001 pa 2014 hod u Viciebskim dziaržaŭnym univiersitecie vieterynarnaj miedycyny na roznych pasadach, dajšoŭšy ŭ karjernym roście da prafiesara i pieršaha prarektara.
