Kadr ź filma Eldara Razanava «Ironija losu, abo Lohki duch».
Nočču ŭ milicyju patelefanavała žančyna i zajaviła, što ŭ jaje doma śpić nieviadomy mužčyna, paviedamili ŭ Frunzienskim RUUS Minska.
Kali prybyła milicyja, akazałasia, što mužčyna znachodziŭsia ŭ stanie ałkaholnaha apjanieńnia, pierabłytaŭ adras i nie razumieŭ, dzie jon znachodzicca.
Unačy jon padyšoŭ da ŭvachodnych dźviarej čužoj kvatery. Klučom adkryć nie zmoh. Pakolki kvatera znachodzicca na pieršym paviersie, jon zalez praz adkrytaje akno bałkona, prajšoŭ u pakoj i pryloh na kanapu.
Haspadynia nie adrazu pačuła šum u susiednim pakoi. A kali ŭbačyła «hościa», spałochałasia i patelefanavała ŭ milicyju.
Mužčyna žyvie ŭ susiednim domie pa vuł. Łabanka, jaho kvatera raźmieščanaja hetak ža, jak i ŭ žančyny.
Urešcie na jaho skłali pratakoł pa art.17.3 č.3 KaAP — raśpićcio ałkaholnych napojaŭ u hramadskich miescach.
