Ministerstva transpartu i kamunikacyj nie ličyć nieabchodnym daciravać zamiežnyja avijakampanii dla palotaŭ u Biełaruś, zajaviŭ siońnia ministr transpartu i kamunikacyj Anatol Sivak, pieradaje karespandent BiełTA.

«Ja aŭtarytetna zajaŭlaju: u nas niama nijakich abmiežavańniaŭ dla palotaŭ nijakich nizkabiudžetnych abo lubych inšych kampanij», — adznačyŭ Anatol Sivak.

Na jaho dumku, nielha nazyvać abmiežavańniem niežadańnie Nacyjanalnaha aeraporta Minsk absłuhoŭvać samaloty biaspłatna.

«Heta ž nie abmiežavańnie, — ličyć ministr. — Kali asobnyja dziaržavy vymušanyja prymać rašeńnie daciravać takija vydatki… My nie bačym dla siabie siońnia takoj nieabchodnaści — tłumačyć, što davajcie nam hrošy, kab daciravać paloty niejkaj avijakampanii ŭ Biełaruś».

Čytajcie taksama: U Litvie abvierhli biełaruskaha ministra: dziaržava nie datuje Vilenski aeraport, kab zavabić łaŭkostaraŭ

Клас
Панылы сорам
Ха-ха
Ого
Сумна
Абуральна