Zienitnyja kompleksy S-300 dastavili ŭ Siryju. Pra ich dastaŭku na Blizki Uschod pierad Radaj biaśpieki Rasii daŭ spravazdaču kiraŭnik Minabarony Rasii Siarhiej Šajhu, pieradaje TASS.
Fota: mil.ru.
Pra toje, što Damask atrymaje ZRK S-300, stała viadoma 24 vieraśnia. Tady Siarhiej Šajhu zajaviŭ, što techniku siryjskija vajskoŭcy atrymajuć na praciahu dvuch tydniaŭ. Kiraŭnik Minabarony Rasii zajaviŭ, što hety krok pavinien budzie «astudzić haračyja hałovy i strymać ad nieabdumanych učynkaŭ».
Padstavaj dla pastavak kompleksaŭ u Siryju staŭ incydent, jaki adbyŭsia 17 vieraśnia nad Mižziemnym moram. Tady padčas ataki izrailskich VPS na abjekty ŭ pravincyi Łatakija ahniom siryjskaj SPA vypadkova byŭ źbity samalot Ił-20, na borcie jakoha znachodzilisia 15 rasijskich vajskoŭcaŭ. Samalot źbili siryjskija vajskoŭcy z kompleksu SPA S-200.