My raspytalisia ŭ pradstaŭnikoŭ biełaruskaj čyhunki, što adbyvajecca.
«Jašče ŭ 2016 hodzie biełaruskaj čyhunkaj byli raspracavanyja adzinyja padychody da jakaści pasłuh. U tym liku źmieny zakranuli i tak zvanuju zdymnuju majomaść u vahonach: dyvany, matracy, koŭdry, paścielnuju bializnu, maršrutnyja ŭkazalniki, infarmacyjnyja ŭkazalniki ŭ vahonach. Heta nie značyć, što da 2016 hoda ničoha nie abnaŭlałasia. Prosta na źmienu pryjšli novyja materyjały i firmovyja kolery biełaruskaj čyhunki — bieły, sini, šery».
U zdymnaj majomaści, viadoma, jość svaje terminy prydatnaści. U koŭdraŭ, naprykład, termin — čatyry hady. I voś kali koŭdry, matracy i dyvany vypracoŭvajuć svoj resurs, ich zamianiajuć.
«Z časam usio mianiajecca. My daŭno admovilisia ad padušak ź pierja, a kali ŭ matracaŭ i koŭdraŭ skončyŭsia termin ekspłuatacyi, stali dumać pra toje, što apošnim časam źjaŭlajucca šmat novych materyjałaŭ, jakija lohka zachoŭvać, čyścić. Tamu i vyrašyli abnavić koŭdry na sinteponavyja».
Ale ŭ pieršuju čarhu koŭdry zamieniać na novyja pakul tolki ŭ SV-vahonach i kupejnych vahonach.
U płackartach zastanucca zvykłyja ŭsim paŭvaŭnianyja koŭdry.
«Praces abnaŭleńnia majomaści davoli składany. Pasažyram ža chočacca, kab było zručna, miakka i ciopła. Patrabavańni čyhunki značna šyrejšyja. Treba, kab toj ža matrac moh lohka skručvacca, kab jaho i pasažyr, i pravadnik mahli lohka dastać ź vierchniaj palicy. Matracy prajšli šerah vyprabavańniaŭ. Da nas vytvorcy matracaŭ jeździli jak na vystavu dasiahnieńniaŭ. Akazałasia, što ŭ adnych matracach źbivaŭsia sintepon, paśla čystki matracy mianiali pamier. Va ŭmovach vahona, naprykład, matracy mahli nie adpaviadać pamieram spalnaha miesca, abo ich pakryćcio było takim, što pasažyr źjazdžaŭ z palicy».
Matracy testavali na bryhadach ciahnika.
«Tak, spačatku na novych matracach spali pravadniki i načalniki ciahnikoŭ. Paśla teściravali na pasažyrach. Urešcie rešt, pryjšli da parazumieńnia».
Usie koŭdry, paścielnuju bializnu i matracy čyhuncy pastaŭlajuć biełaruskija vytvorcy.
«Z dyvanami historyja była bolš cikavaja, bo nie mahli doŭhi čas vybrać, chto z dvuch biełaruskich vytvorcaŭ budzie pastaŭlać dyvankovyja darožki čyhuncy. Paśla doŭhich pieramoŭ usio ž vyrašyli, što heta buduć vytvorcy ź Viciebska, jakija prapanavali nieabchodnyja pamiery i koler».
