Advakat Arciom Kałoša, hałoŭnaja redaktarka «Novaha času» Aksana Kołb, žurnalist Dzianis Ivašyn i juryst BAŽ Aleh Ahiejeŭ u zale suda. Fota — Valeryja Ułasik / Biełsat
Prakuratura Savieckaha rajona Minska padała apielacyjny pratest na rašeńnie suda pa spravie Arkadzia Izraileviča suprać niedziaržaŭnaj haziety «Novy čas» i žurnalista Dzianisa Ivašyna.
Prakuratura prosić admianić rašeńnie suda Savieckaha rajona Minska ad 10 vieraśnia 2018 hoda pa pazovie Arkadzia Izraileviča da vydavieckaha unitarnaha pradpryjemstva «Čas navin» (vydaŭca haziety «Novy čas») ab abaronie honaru, hodnaści i dziełavoj reputacyi i nakiravać spravu na novy razhlad.
Dakumient za podpisam namieśnika prakurora Savieckaha rajona Minska Zaharoŭskaha 18 vieraśnia byŭ nakiravany sudovaj kalehii pa hramadzianskich spravach Minskaha harsuda.
Nahadajem, biźniesoviec Arkadź Izrailevič praz sud patrabavaŭ pryciahnuć da adkaznaści hazietu «Novy čas» i žurnalista Dzianisa Ivašyna za nibyta źniavahu honaru, hodnaści i dziełavoj reputacyi. Nahodaj dla sudovaha raźbiralnictva stała žurnalisckaje rasśledavańnie Dzianisa Ivašyna pra budaŭnictva pad Minskam pobač z Kurapatami skandalna viadomaha restarannaha kompleksa «Pojediem pojedim». 10 vieraśnia Saviecki rajsud Minska, razhledzieŭšy spravu, nie zadavoliŭ pazoŭ Izraileviča i pryznačyŭ spahnać ź jaho 600 rubloŭ na karyść haziety i žurnalista.
