Hienieralny dyrektar «Biełaruśkalija» Ivan Hałavaty nazvaŭ «bałastam» svaich byłych supracoŭnikaŭ, jakija pierajšli pracavać na «Słaŭkalij». Pra heta jon zajaviŭ u intervju viedamasnamu časopisu Kamiteta dziaržaŭnaha kantrolu.
Ivan Hałavaty. Fota BiełTA
Hałavaty pryznaje, što «Słaŭkalij», jaki naležyć rasijskamu miljarderu Michaiłu Huceryjevu, pakul što płacić vyšejšyja zarobki.
«Sioj-toj z salihorskich kalijščykaŭ klunuŭ na pryvabnuju prapanovu. Adnak sumniajusia, što ŭ «Słaŭkalija» atrymajecca ŭtrymać taki ŭzrovień zarpłaty paśla zapusku vytvorčaści», — ličyć Hałavaty.
Jon nahadvaje, što «Biełaruśkalij» — stabilnaje pradpryjemstva, i niehatyŭna adklikajecca pra tych, chto pajšoŭ na Huceryjeva.
«Pradpryjemstva pazbaŭlajecca ad bałastu», — zajaviŭ Hałavaty pra byłych padnačalenych i zapeŭniŭ, što nie škaduje pra ich sychod.