Dadatak Google Translate dla iPhone zajmieŭ rehijanalnyja opcyi dla bolš jakasnaha pierakładu. Z dapamohaj ich u karystalnika, jaki praz dadatak kamunikuje na anhlijskaj, mienš šancaŭ zabłytacca ŭ movie surazmoŭcy.
Google Translate, jaki ŭładalniki smartfonaŭ mohuć biaspłatna zahruzić u App Store i Google Play, padtrymlivaje 103 movy i ŭmieje pierakładać razmovy «na latu» na 37 movach. Raspracoŭščyki prykładańnia dadali funkcyju raspaznańnia roznych akcentaŭ anhlijskaj, francuzskaj, ispanskaj i bienhalskaj movaŭ.
Novyja opcyi «ŭvodu i vyvadu movy» (speech input and output) źjavilisia ŭ ZŠA, Vialikabrytanii, Aŭstralii, Indyi i Banhładeš, Kanadzie i Francyi, Mieksicy i Ispanii. Pakul abnaŭleńnie dastupna tolki dla ŭładalnikaŭ iPhone, paviedamlaje All Things How.
Źjaŭleńnie hetych opcyj moža być vielmi karysnym dla padarožnikaŭ, jakim časam składana ŭłoŭlivać tyja ci inšyja asablivaści vymaŭleńnia ŭ roznych krainach dla adnoj movy.