BATE pieramoh, mabyć, u samym važnym matčy hoda na ŭnutranaj arenie. Hulnia z «Dynama» nie była prostaj. Minčuki zabili pieršymi, ale niejkim mahičnym čynam BATE adhulaŭsia roŭnaj na 53-j chvilinie. Mienavita tady zaŭziatary ŭšanoŭvali pamiać hienieralnaha dyrektara BATE Anatola Kapskaha, jaki pajšoŭ z žyćcia na 53-m hodzie.
Banier dy pira-šou ŭ honar Anatola Kapskaha. Fota FK «Dynama-Minsk».
Naŭrad ci niechta jašče dahonić barysaŭcaŭ, a voś baraćba za srebra i bronzu tolki pačynajecca.
Ciapier piarojdziem da razboru hulniaŭ.
«Tarpieda-Minsk» — «Minsk»
- 05.10 / 16:00. Stadyjon «Minsk»
- Kaeficyjenty: «Tarpieda» (pieramoha) — 3.5; ničyja — 3.08; «Minsk» — 2.18
«Tarpieda» ŭžo pachavali amal usie. Zdavałasia, što ŭ kamandy absalutna niama šancaŭ na vyratavańnie. Ale čaroŭnym čynam aŭtazavodcy pieramahli «Smalavičy». Ciapier samaja ołdskulnaja kamanda krainy znoŭ u hulni i pa nastroi vylatać niama nijakaha žadańnia. Nastaŭnik «Tarpieda» Uładzimir Niavinski vobrazna adznačyŭ, što tam, dzie znachodziłasia jahonaja kamanda, jość tolki adna daroha — na vierch.
Hulcy «Tarpieda» adznačajuć pieramohu nad «Smalavičami» razam z fanatami. Fota FK «Tarpieda-Minsk».
«Minsk» — kamanda, u jakoj taksama tolki adna daroha: vyroščvać talenavitych hulcoŭ dla bolš mocnych kłubaŭ. Kali niechta pačynaje padavać nadziei, to pakinuć jaho ŭ składzie «haradžan» amal niemahčyma, bo nie dazvalajuć srodki. U składzie «Minska» zaŭsiody ledź nie 90% składaje moładź. U pačatku siezona jany hladziacca nie vielmi, a bližej da kancoŭki ŭžo biaruć svajo.
Prahnoz «NN»: «Tarpieda» nie sastupić.
«Haradzieja» — «Pramień»
- 05.10 / 19:00. Stadyjon «Haradzieja»
- Kaeficyjenty: «Haradzieja» (pieramoha) — 2.04; ničyja — 3.08; «Pramień» (pieramoha) — 3.92
U «Haradziei» try parazy zapar. Pryčym ni ŭ adnym z hetych matčaŭ kamanda nie zabivała hałoŭ. Na niejki čas zdavałasia, što cukrovym možna ŭzdychnuć z palohkaj, a tut znoŭ akunacca treba ŭ budni kamand, što zmahajucca za vyžyvańnie. Spadziavańni, što ŭ piatničny viečar haradziejskaja tarsida dobra padtrymaje svaich ulubioncaŭ.
«Pramień» pakul na vyratavalnym 14-m miescy ŭ turnirnaj tablicy. Kamanda vykładvajecca pa poŭnaj u kožnaj hulni, ale majsterstva ŭsio adno jašče małavata. Moža, u hulni z «Haradziejaj» adznačycca Łuka Rotkavič. Čarnahorac u nie samaj pahanaj formie.
Prahnoz «NN»: pieramoha «Haradziei».
«Słuck» — «Viciebsk»
- 06.10 / 14:00. Słuck, Haradski stadyjon
- Kaeficyjenty: «Słuck» (pieramoha) — 3.16; ničyja — 3.08; «Viciebsk» (pieramoha) — 2.33
Zdajecca, «Słuck» užo supakoiŭsia. Stała jasna, što vyšej za hałavu kamanda nie skoknie, ale i nie apuścicca nižej za plintus. U Słucku ŭsio pa-ludsku, i navat miesca akurat u siaredzinie turnirnaj tablicy. Patroliŭ słuččakoŭ na hetym tydni kikbaksior Vital Hurkoŭ, jaki ździviŭsia, što ŭ kamandzie šmat čarnaskurych futbalistaŭ. «Tam ža słuckija tkačychi, adkul lehijaniery?» — zadaŭsia pytańniem bajec.
Za adsutnaściu lepšaha hulniu ŭ Słucku možna nazvać centralnaj u tury. «Viciebsk» sastupiŭ dvojčy zapar i ciapier zajmaje kryŭdny čaćviorty radok. Niaŭžo ŭsio ž kamanda była burbałkaj? I ŭsie spadziavańni na miedali buduć marnymi. Nie pieramohuć ciapier, možna ličyć tak. Dla vićbičaŭ užo nastupiŭ momant iściny.
Prahnoz «NN»: pieramoha «Viciebska».
«Dniapro» — «Dynama-Brest»
- 06.10 / 16:00. Mahiloŭ, stadyjon «Spartak»
- Kaeficyjenty: «Dniapro» (pieramoha) — 8.5; ničyja — 4.4; «Dynama» — 1.38
Treba nazyvać rečy svaimi imionami. Prosta ciapier «Dniapro» — heta dno. Kamanda nie pavinna ŭratavacca. Takim, jak mahiloŭcy, rabić u nastupnym siezonie ŭ vyšejšaj lizie prosta niama čaho.
Brest už dychaje ŭ patylicu «Viciebsku». Usiaho tolki šeść punktaŭ i až vosiem matčaŭ. Takoje adstavańnie całkam sabie možna likvidavać. Abaronca kamandy Aleh Vieraciła skazaŭ, što dla Bresta nietraplańnie ŭ jeŭrakubki budzie trahiedyjaj. Nie dapuścić jaje — sprava pryncypu dla ŭsioj kamandy.
Džael Famieje zabiŭ dva miačy «Słucku». Fota FK «Dynama-Brest».
Prahnoz «NN»: pieramoha Bresta z roźnicaj, bolšaj za 1 hoł.
«Homiel» — «Šachcior»
- 06.10 / 18:00. Homiel, stadyjon «Centralny»
- Kaeficyjenty: «Homiel» (pieramoha) — 5.7; ničyja — 3.46; «Šachcior» (pieramoha) — 1.65
«Homielu» varta atrymać jašče dźvie-try pieramohi i spakojna rychtavacca da nastupnaha čempijanatu. Dla takich kamand nikoli nie zrazumieła, što budzie praz hod. Moža być, uźlot, a moža być, padzieńnie. Trenier u hamielčukoŭ dastatkova talenavity, tamu chočacca vieryć u pieršy varyjant.
«Šachcior» nie tak daŭno siensacyjna sastupiŭ «Isłačy». Ciapier, mabyć, buduć rabić usio, što ŭ ich siłach, kab nie dapuścić takoha z «Homielem». Lidaram «Šachciora» ŭ siezonie źjaŭlajecca ałbaniec Elis Bakaj. Jon kaža, što jamu absalutna ŭsio padabajecca ŭ Salihorsku. Kali Bakaj praciahnie hetak ža hulać, to ci nie zachočuć jaho naleta ŭbačyć u formie BATE, minskaha ci bresckaha «Dynama».
Prahnoz «NN»: pieramoha «Šachciora».
«Isłač» — BATE
- 07.10 / 14:30. Stadyjon «Minsk»
- Kaeficyjenty: «Isłač» (pieramoha) — 12.0; ničyja — 4.7; BATE (pieramoha) — 1.29
«Isłač», zdajecca, čakajuć haračyja dziańki. Kamanda pakul nie moža być absalutna ŭpeŭnienaj, što zastaniecca ŭ elicie. Byŭ adrezak u siaredzinie siezona, dzie «vaŭki» zhubili ŭsio, što dastałosia im pierad hetym.
Možna sprahnazavać, što paśla hulni ŭ jeŭrakubkach Alaksiej Baha vystavić na hulniu čempijanatu nie asnoŭny skład, tamu ŭ kamandy ź Minskaha rajona mohuć źjavicca šancy na pieramohu. Ale heta małavierahodna.
Prahnoz «NN»: pieramoha BATE.
«Tarpieda-BiełAZ» — «Nioman»
- 07.10 / 16:30. Žodzina, stadyjon «Tarpieda»
- Kaeficyjenty: «Tarpieda» (pieramoha) — 2.12; ničyja — 3.08; «Nioman» (pieramoha) — 3.65
Abiedźvie kamandy nabrali chod i jaŭna buduć suprać taho, kab pieraryvać svaje pieramožnyja sieryi.
Niaŭdačy «Viciebska» robiać nie takim niedasiahalnym čaćviorty radok, jaki pry niekatorych raskładach moža padaravać žodzincam i haradziencam adzinuju mahčymaść pahulać praz hod u jeŭrakubkach, tamu ŭ niadzielu ŭ Žodzinie budzie horača na poli, ale, zdajecca, šmat hałoŭ my nie ŭbačym.
Prahnoz «NN»: totał mienšy za 2,5.
«Dynama-Minsk» — «Smalavičy»
- 07.10 / 18:30. Minsk, stadyjon «Dynama»
- Kaeficyjenty: «Dynama» (pieramoha) — 1.34; ničyja — 4.50; «Smalavičy» (pieramoha) — 9.80
U minułym ahladzie my pradkazvali, što «Smalavičy» chutka ŭklučać režym dahulvańnia čempijanatu. Ale niečakana jon užo akazaŭsia ŭklučanym — biazvolnaja paraza minskamu «Tarpieda» tamu paćviardžeńnie.
«Dynama» prajhrała BATE, amal vybyła z čempijonskaj honki i prapuściła «Šachcior» na druhi radok. Ciapier mienavita salihorcy — supiernik numar 1 na kaniec pieršynstva.
Prahnoz «NN»: pieramoha «Dynama».
Kali zachočacie schadzić na futboł, nie zabudźciesia surjozna ŭciaplicca! Kab było jašče cikaviej sačyć za futbołam, zrabi staŭku ŭ Bukmiekierskaj kantory Marafon!
