Suśvietnaja šachmatnaja Alimpijada 2022 hoda projdzie ŭ Biełarusi. Takoje rašeńnie pryniali na pasiadžeńni Hienieralnaj Asamblei Mižnarodnaj fiederacyi šachmat (FIDE), jakoje prachodzić u Batumi, paviedamlaje ministerstva sportu i turyzmu.
Biełaruś padała zajaŭku na praviadzieńnie najbujniejšaha mižnarodnaha šachmatnaha turniru padčas pasiadžeńnia prezidenckaj rady FIDE, jakoje sioleta ŭ krasaviku prajšło ŭ Minskaj ratušy.
Nastupnaja Suśvietnaja šachmatnaja alimpijada 2020 hoda adbudziecca ŭ Chanty-Mansijsku.
Taksama niadaŭna źmianiłasia kiraŭnictva FIDE. Kiraŭnikom šachmatnaj fiederacyi staŭ były rasijski vice-premjer Arkadź Dvarkovič. U svaju čarhu staršynia Biełaruskaj fiederacyi šachmat Nastaśsia Sarokina abranaja vice-prezidentam FIDE.