Internet-troli z Rasii viali u sacyjalnych sietkach skrytuju kampaniju pa dezynfarmacyi, nakiravanuju na brytanskich padletkaŭ. Pra heta sa spasyłkaj na źviestki amierykanskich daśledčykaŭ paviedamlaje hazieta The Times.
Ctvaralniki fejkavych akaŭntaŭ, jakija sprabavali manipulavać dumkami brytanskich junakoŭ i dziaŭčat, pazicyjanavali siabie jak «prychilniki Hary Potera» ci vykarystoŭvali vobrazy znakamitaściaŭ, naprykład, aktrysy Emy Uotsan, zaŭvažaje Times.
Ema Uotsan z Deniełam Redklifam (źleva) i Rupiertam Hryntam na premjery filma «Padarunki śmierci» u 2011 hodzie. Fota: flickr.com
Akramia hetaha tysiačy maładych brytancaŭ, pavodle daśledavańnia amierykanskich śpiecyjalistaŭ, byli ŭciahnutyja ŭ kampaniju pa dezynfarmacyi pry dapamozie «finansavanaha Kramlom» YouTube-kanała pad nazvaj «Blu Piter ruskaj prapahandy» (The Blue Peter of Russian propaganda).
Aŭtar hetaha kanała, pa infarmacyi haziety, «sprabavaŭ stvaryć błytaninu» adnosna atručvańnia ŭ Sołśbiery byłoha pałkoŭnika HRU Siarhieja Skrypala i jaho dački Julii.
U poŭnaj ža miery maštaby rasijskaj kampanii, jak pakazvaje vydańnie, mohuć być raskrytyja tolki paśla taho, jak ekśpierty praanalizujuć bolš za try miljony tvitaŭ i inšych paviedamleńniaŭ u sacyjalnych sietkach, jakija sabrali amierykanskija daśledčyki. Vyniki hetaha analizu, pavodle Times, mohuć być apublikavanyja ŭžo 6 kastryčnika.
Kampanija ŭ sacyjalnych sietkach, jakaja, jak miarkujuć analityki, pravodzicca Kramlom, «dobra finansujecca» i ŭjaŭlaje saboj «vialikuju niebiaśpieku, tamu što jana skrytaja».
Dziejańni trolaŭ ŭ sacyjalnych sietkach, jak stała viadoma ekśpiertam, kaardynavalisia Ahienctvam internet-daśledavańniaŭ z Sankt-Pieciarburha. Jano źjaŭlajecca častkaj «fabryki trolaŭ», jakuju, jak miarkujecca, spansavaŭ pieciarburhski biznesmien Jaŭhien Pryhožyn.
Amierykanskim daśledčykam udałosia vyśvietlić, što adzin z akaŭntaŭ, stvorany pry dapamozie hetaha ahienctva, sprabavaŭ źviarnucca da zachodnich padletkaŭ ad imia zmahara za pravy hiejaŭ.
Apublikavanaje na staroncy hetaha internet-trola paviedamleńnie z tekstam: «Čas ad času ŭ kłasie maje być nievialikaja drama», — pa dadzienych analitykaŭ, matyvavała školnikaŭ «palityčnymi pratestami sarvać ŭroki».
U paviedamleńniach jašče adnaho fejkavaha akaŭnta źmiešvalisia fatahrafii Emy Uotsan i pasty z krytykaj amierykanskaha ŭmiašańnia ŭ Siryju, dzie Rasija padtrymlivaje režym siryjskaha lidara Bašara Asada, piša hazieta.
Inšyja akaŭnty trolaŭ, pa infarmacyi ekśpiertaŭ, sprabavali zavajavać uvahu maładych fieministak, ekaaktyvistaŭ i prychilnikaŭ jeŭrapiejskich vojskaŭ. Mnohija z raźmieščanych paviedamleńniaŭ, jak pryznali daśledčyki, byli «biaskryŭdnymi». Na niesapraŭdnych staronkach časta publikavalisia miemy — karcinki z humarystyčnymi vobrazami, jakija chutka raspaŭsiudžvajucca ŭ internecie.
U cełym ža ŭ kampanii pa dezynfarmacyi ŭdzielničali 2848 akaŭntaŭ u Twitter. Taksama źviazanyja z hetaj prahramaj karcinki publikavalisia ŭ Instagram i Tumblr.
Samaj ža «dakučlivaj sprobaj Rasii pavieści maładych brytancaŭ» surazmoŭcy Times nazvali «spansavany Kramlom» kanał YouTube pad nazvaj ICYMI. Jaho aŭtar — błohier Poli Bojka vinavaciła brytanski ŭrad u kryvadušnaści adnosna zachavańnia pravoŭ čałavieka i zajaŭlała ab tym, što prezidenty Rasii i ZŠA Uładzimir Pucin i Donald Tramp, na jaje dumku, pavinny być sajuźnikami.
U Twitter, kamientujučy dadzienyja ab kampanii dezynfarmacyi, zajavili, što pradstaŭniki mikrabłohu ŭžo raspačali aktyŭnyja kroki dla likvidacyi manipulacyj pry dapamozie płatformy. A ŭ kampanii Google, jakaja vałodaje YouTube, paviedamili, što luboje ŭmiašańnie z dapamohaj sajta było b nieprymalnym. U Facebook, jakoj naležyć Instagram, skazali, što kampanija sutyknułasia sa «składanymi apanientami ŭ vyhladzie nacyjanalnych dziaržaŭ».
Raniej usie hetyja internet-hihanty (Facebook, Twitter i Google) užo sutykalisia z napłyvam palityčnych internet-trolaŭ. Pa viersii amierykanskich uładaŭ, mienavita z dapamohaj hetych płatformaŭ Rasija sprabavała ŭmiašacca ŭ prezidenckuju kampaniju ŭ ZŠA ŭ 2016 hodzie. U 2017 hodzie Facebook, Twitter i Google apublikavali dadzienyja ab maštabach hetaha ŭmiašańnia. Jak śćviardžali ŭ kampanijach, na palityčnuju situacyju ŭ Amierycy pavinny byli paŭpłyvać miljony falšyvych akaŭntaŭ. U Rasii, u svaju čarhu, dačynieńnie da hetaha ŭmiašańnia nieadnarazova admaŭlali.
