U Łas-Viehasie Konar Makhrehar i Chabib Nurmahamiedaŭ ledź nie pabilisia na cyrymonii ŭzvažvańnia padčas turniru UFC 229.
Pad čas dueli pohladaŭ, kali spartsmieny stajali adzin nasuprać adnaho ŭ stojcy, Makhrehar udaryŭ Nurmahamiedava pa ruce i pasprabavaŭ udaryć sapiernika nahoj. Členy kamand raźniali bajcoŭ i nie dali im raźviazać paŭnavartasnuju bojku, piša RBK.
Boj pamiž Nurmahamiedavym i Makhreharam adbudziecca ŭ Łas-Viehasie 6 kastryčnika (pa minskim časie pajadynak pačniecca 7 kastryčnika h. a 5-j ranicy). Heta budzie boj za pojas čempijona UFC u lohkaj vazie. Pakul što čempijonski tytuł naležyć Nurmahamiedavu.
Uzvažvańnie pierad bojem pakazała, što Nurmahamiedaŭ i Makhrehar ŭkłalisia ŭ normu lohkaj vahi. Rasijski bajec važyć 70,3 kh, a irłandziec — 70,1 kh.
Usiaho za karjeru ŭ UFC rasijanin Nurmahamiedaŭ pravioŭ 26 pajadynkaŭ i pieramoh 26 razoŭ.
Makhrehar za karjeru ŭ źmiešanych adzinaborstvach pravioŭ 24 bai i 21 raz pieramoh. Pieršy tytuł čempijona UFC irłandziec zavajavaŭ u 2015 hodzie. Paźniej jon staŭ pieršym bajcom u historyi, jaki zdoleŭ stać uładalnikam dvuch čempijonskich pajasoŭ adnačasova ŭ roznych vahavych katehoryjach. U kanca 2016 hoda Makhrehar prypyniŭ karjeru ŭ UFC dla padrychtoŭki da baksiorskaha pajadynku suprać Fłojda Miejvieziera i pazbaviŭsia abodvuch tytułaŭ.
