Futbalist «Juvientusa» Kryšcijanu Ranałdu padazraje prezidenta madrydskaha «Reała» Fłarentyna Pieresa ŭ zmovie suprać siabie, paviedamlaje RBK sa spasyłkaj na Football Italia.
Fota: Flickr
Pavodle vydańnia, futbalist ličyć, što kiraŭnictva ispanskaha kłuba staić za adnaŭleńniem suprać jaho spravy ab zhvałtavańni, a taksama šeraham inšych niaŭdač, jakija zdarylisia ŭ jaho karjery za apošni čas.
U vieraśni amierykanskaja madel Ketryn Majorha abvinavaciła Ranałdu ŭ zhvałtavańni, jakoje nibyta jon ździejśniŭ u 2009 hodzie ŭ Łas-Viehasie. Ranałdu ličyć, što za abvinavačvańniami ŭ zhvałtavańni staić kiraŭnictva «Reała», jakoje arhanizavała suprać futbalista zmovu.
Ranałdu taksama abvinavačvaje były kłub u niaŭdačach u baraćbie za indyvidualnyja ŭznaharody pa vynikach minułaha siezonu. Futbalist byŭ naminavany na zvańnie lepšaha hulca hoda pa viersii UEFA i FIFA, a taksama na premiju Fierenca Puškaša, jakaja ŭručajecca aŭtaru samaha pryhožaha hoła minułaha siezonu. Ni adnu z hetych uznaharod Ranałdu nie atrymaŭ.
Akramia taho, Ranałdu ličyć, što kiraŭnictva «Reała» moža stajać za jaho vydaleńniem u niadaŭnim matčy «Juvientusa» ŭ Lizie čempijonaŭ suprać «Valensii». Futbalist atrymaŭ čyrvonuju kartku za toje, što dakranuŭsia da hałavy Džejsana Muryljo. Sudździa paličyŭ pavodziny Ranałdu niespartovymi i vydaliŭ hulca z pola.
Raniej stała viadoma, što kampanija EA Sports prybrała vyjavu Ranałdu sa svaich akaŭntaŭ u sacyjalnych sietkach. Heta adbyłosia paśla taho, jak stała viadoma pra toje, što futbalista vinavaciać u zhvałtavańni. EA Sports, a taksama kampanija Nike, jakija źviazany z Ranałdu sponsarskimi kantraktami, zajavili, što zaniepakojenyja situacyjaj, jakaja skłałasia i buduć sačyć za jaje raźvićciom.