Marš z patrabavańniem novaha refierendumu nakont členstva Vialikabrytanii ŭ Jeŭrasajuzie, jaki adbyŭsia ŭ Birminhiemie 20 vieraśnia 2018 hoda. Fota: wikimedia.org

Marš z patrabavańniem novaha refierendumu nakont členstva Vialikabrytanii ŭ Jeŭrasajuzie, jaki adbyŭsia ŭ Birminhiemie 20 vieraśnia 2018 hoda. Fota: wikimedia.org

Brytanskija čynoŭniki razhladajuć scenar praviadzieńnia druhoha refierendumu pra metazhodnaść členstva Vialikabrytanii ŭ Jeŭrasajuzie. Pra heta, jak piša TASS, u niadzielu paviedamiła hazieta The Sunday Times.

«Dziaržaŭnyja słužačyja pavinny rychtavacca da luboha pavarotu padziej, uličvajučy toje, što parłamienckaja padtrymka premjer-ministra słabieje z dnia ŭ dzień. Heta i jość praca dziaržaŭnych słužačych — kab raspracoŭvać reziervovyja płany dla ŭsich mahčymych varyjantaŭ, navat małavierahodnych, u tym liku druhoha refierendumu», — paviedamili vydańniu ŭ brytanskim ministerstvie pa pytańniach Brexit.

Brytanski Kabmin raniej vyklučyŭ mahčymaść praviadzieńnia druhoha refierendumu pa Brexit, tłumačačy svaju pazicyju imknieńniem vykanać volu naroda. Adnak urad mienšaści premjer-ministra Terezy Mej abapirajecca ŭ Pałacie abščyn na padtrymku 10 deputataŭ ad paŭnočnairłandskaj Demakratyčnaj junijanisckaj partyi (DIUP), tamu unutrypartyjnyja zvady siarod tory pamiž prychilnikami i praciŭnikami žorstkaha scenara Brexit mohuć pieraškodzić pryniaćciu patencyjnaj ździełki z Brusielem, kali jana ŭ vyniku budzie dasiahnuta.

Aficyjnyja pieramovy pamiž Łondanam i Brusielem pa ŭmovach, na jakich Vialikabrytanija vyjdzie ź ES, pačalisia 19 červienia 2017 hoda ŭ bielhijskaj stalicy. Za hod da hetaha na refierendumie pa Brexit z vynikam 51,9% pieramahli praciŭniki jeŭraintehracyi. Sam Brexit maje adbycca 29 sakavika 2019 hoda, potym pavinien nastupić pierachodny pieryjad, jaki budzie doŭžycca da 31 śniežnia 2020 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0