Zdymak Flickr.com / Meal Makeover Moms / CC BY-ND 2.0

Zdymak Flickr.com / Meal Makeover Moms / CC BY-ND 2.0

Karyn Michiels, dyrektarka Instytuta prafiłaktyki i epidemijałohii ankałahičnych zachvorvańniaŭ Frajburhskaha univiersiteta i prafiesarka Harvardskaj škoły hramadskaj achovy zdaroŭja, padčas lekcyi ŭ Frajburhu zajaviła, što kakosavy alej źjaŭlajecca «čystym jadam».

50-chvilinnaja lekcyja na niamieckaj movie stała chitom YouTube i vyklikała šmat sprečak ŭ Internecie. Ciapier jana źnikła z YouTube.

Padčas lekcyi «Kakosavy alej i inšyja charčovyja pamyłki» Michiels padkreśliła, što kakosavy alej nie źjaŭlajecca zdarovym praduktam. Pryznany dahetul supierpraduktam, letaś jon patrapiŭ pad mikraskop daśledčykaŭ paśla taho, jak Amierykanskaje tavarystva kardyjołahaŭ (ACC) abnaviła svaje rekamiendacyi, paraiŭšy paźbiehnuć nasyčanych tłuščaŭ, jakija ŭtrymlivajucca ŭ kakosavym alei.

Michiels zrabiła nastupny krok, nazvaŭšy kakosavy alej «čystym jadam» i «adnym z najhoršych praduktaŭ, jakija vy možacie źjeści».

Akazałasia, nie isnuje daśledavańniaŭ, jakija b pakazvali značnyja pieravahi spažyvańnia kakosavaha aleju. Pa słovach Michiels, jon navat horšy za sała, bo ŭ im źmiaščajucca amal vyklučna nasyčanyja tłustyja kisłoty, jakija zaśmiečvać karanarnyja arteryi. Jana adznačyła, što kakosavy alej pavyšaje ŭtrymańnie «kiepskaha chalesterynu» (ŁPNŠ — Lipaprateiny nizkaj ščylnaści), lišak jakoha pavialičvaje ryzyku raźvićcia sardečna-sasudzistych zachvorvańniaŭ.

Ekśpierty rekamiendujuć aliŭkavy alej abo rapsavy alej u jakaści alternatyvy, pakolki jany ŭtrymlivajuć šmat nienasyčanych tłustych kisłot. Ilniany alej, bahaty amieha-3-nienasyčanymi tłustymi kisłotami, nie moža vykarystoŭvacca ŭ ciopłaj ježy i dla smažańnia.

Michiels taksama vykazała mierkavańnie pra takija «supierpradukty», jak jahady asai, nasieńnie čya. Jana nie nazyvaje ich škodnymi, ale ličyć ich nieefiektyŭnymi, bo ŭ bolšaści vypadkaŭ pažyŭnyja rečyvy, jakija spažyŭcy imknucca ŭ ich znajści, taksama ŭtrymlivajucca ŭ takich bolš dastupnych praduktach, jak morkva, višnia i abrykos. «My dobra i dastatkova zabiaśpiečanyja», — skazała jana.

Ale ci sapraŭdy nasyčanyja tłuščy nastolki škodnyja dla zdaroŭja?

Bolšaść navukoŭcaŭ zhodnyja z tym, što aliŭkavy alej abo ilniany alej mohuć być važnymi elemientami dyjety.

Daśledavańni, apublikavanyja ŭ American Journal of Clinical Nutrition, pakazvajuć, što ŭ ludziej, jakija zvyčajna jaduć syr, pjuć tłustaje małako i jaduć tłustyja małočnyja pradukty ci pradukty, bahatyja nasyčanymi tłustymi kisłotami, vierahodnaść śmierci ad sardečnych prystupaŭ i insultaŭ nie vyšejšaja za tych, chto paźbiahaje takich praduktaŭ.

Inšyja daśledavańni, praviedzienyja ŭ hrupie z 135 tysiač čałaviek z 18 krain i apublikavanyja ŭ The Lancet, dakazali, što spažyvańnie vialikaj kolkaści tłušču, ale pry nievialikim spažyvańni vuhlavodaŭ, źviazana z 23-pracentnym źnižeńniem ryzyki śmierci. I što jašče cikaviej, nie važna, charčujeciesia vy nasyčanymi abo nienasyčanymi tłustymi kisłotami.

Takim čynam, jaki prysud kakosavamu aleju? Bolšaść mižnarodnych rekamiendacyj pa charčavańni praduhledžvajuć umieranaje spažyvańnie nasyčanych tłuščaŭ. Tamu, kali ŭ vas jość słabaść da kakosavaha aleju, prosta znajcie mieru.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?