Adrazu dźvie padziei z časopisam «Naša historyja» adbuducca siońnia ŭ stalicy Biełarusi. Ad 18.00 da 20.00 topavyja aŭtary i redaktary numara 3 sustrenucca z čytačami ŭ «Akademknizie». Možna budzie atrymać aŭtohrafy! Paralelna a 18.30 hałoŭny redaktar «Našaj historyi» Andrej Dyńko sustreniecca z čytačami ŭ kłubie «Movananova» (heta ŭ pamiaškańni kaviarni «Hraj» na vulicy Internacyjanalnaj, 33 u Vierchnim Horadzie).

Nahadajem, što vyjšaŭ treci numar časopisa «Naša historyja». U im: 

Ivan Šamiakin: jak žyła elita BSSR. 

Bazyl Marhiełaŭ i Janka Jakuboŭski: chto i što pisaŭ u biełaruskamoŭnuju «Čyrvonaarmiejskuju praŭdu», raskazvaje historyk Vital Čyrvinski.

Halendry: jany žyli pad Brestam i ad ich zastalisia tolki kvietki i kamiani. 

Na mahile maskoŭskich stralcoŭ: Alaksiej Baciukoŭ znajšoŭ ślady mahiloŭskaha paŭstańnia 1661 hoda.

Žyćcio i śmierć na miažy z Rejcham. Jak niečakana pieraplatalisia losy biełaruskich partyzan, niamieckich sałdat i kałabarantaŭ.

«Nichto nie chacieŭ jechać na Baranavičy». Rejkavaja vajna: jakoje heta było piekła dla biełaruskich čyhunačnikaŭ. 

Pinchas Malevič — futbalist jaŭrejskaj kamandy «Makabi» z Hrodna sam uratavaŭsia ad niemcaŭ, a siamja jaho zastałasia tut i zahinuła.

Impierskija tytuły dla litvinskich mahnataŭ — pra ich raskazvaje historyk Pavieł Bułaty.

Niečakanaje: jak našy prodki razvodzili bajavych žuravoŭ.

Čamu ŭ Azierbajdžanie dynastyja, a ŭ Armienii i Hruzii demakratyja? Pryčyny nie tolki ŭ nafcie…

A taksama strašnyja i viasiołyja historyi ryełtaraŭ z 90-ch. I dva novyja komiksy: «Francysk. Lichija 1490-ja» i «Trafiei z-pad Kirchholma», apošni — aŭtarstva Alesia Kirkieviča.

Dy mnohaje inšaje: 100 staronak zachaplalnych tekstaŭ i znachodak u novym numary vydańnia. 

Voś źmiest:

Pieršy numar «Našaj historyi» staŭ biestsieleram, jaho nakład dadrukoŭvali trojčy. Nakład treciaha numara składaje 7000 asobnikaŭ.

Dzie kupić?

My adpravili numar amal va ŭsie harady krainy, akramia niekalkich rajcentraŭ. Pytajciesia ŭ šapikach «Sajuzdruku» i na poštach. Uvaha! U małych haradach jon moža być tolki ŭ adnym z šapikaŭ — daviedvajciesia, u jakim. 

Kali ŭ vašym šapiku jaho nie pradajuć, pakidajcie im zajaŭku i pytajciesia, ci mohuć dazamović. 

A voś śpis kniharań, jakija pradajuć «Našu historyju». 

Minsk

«Akademkniha» (na stancyi mietro Akademija navuk)

Filija «Akademknihi» na Bahdanoviča, 46

Handlovy centr «Kupałaŭski» (pad Kastryčnickaj płoščaj), kramy 60 i 44—45

«Halijafy» (Niamiha, 3, krama № 47 na cokalnym paviersie)

«Moj modny kut» (Centr Maskoŭska-Vienski, paviljon 333 — heta kala CUMa, mietro Jakuba Kołasa, pr. Niezaležnaści 58)

Knižny kirmaš pa vuł. Daŭmana, 23 (subota 00.00-14.00), miesca 78b

«Rahna» (Suchaja, 4, mietro Frunzienskaja)

«Knižnaja šafa» (Dziaržynskaha, 9)

«Śvietač» (pr. Pieramožcaŭ, 11) — numary 1 i 3

«Centralnaja kniharnia» (pr. Niezaležnaści, 19) — numary 1 i 3

«Knihi i knižački» (pr. Niezaležnaści, 14) — numary 1 i 3

«Eŭryka» (vuł. Kujbyšava, 75) — numary 1 i 3

Poštaj ci z dastaŭkaj na dom

vy možacie jaho zamović praz Halijafy.by, Knihi.byKniger.by, Akademkniga.by.

Hrodna

«Cudoŭnia» (Kirava, 3).

«Kruhahlad» (b-r Leninskaha kamsamoła, 29a) — numary 1 i 3

«Ranica» (vuł. Mastavaja, 33) — numary 1 i 3

Brest

«Pravilnaja kniha» (Kujbyšava 13, kala rynku)

«Kniaź Vitaŭt» (Savieckaja, 55)

«Aśvieta» (pr. Mašerava, 57) — numary 1 i 3

«Družba»(b-r Kasmanaŭtaŭ, 120) — numary 1 i 3

«Iskra» (vuł. Puškinskaja, 4) — numary 1 i 3

Homiel

«Knižny śviet» (pr. Lenina, 45) — numary 1 i 3

Viciebsk

«Śvietač» (Kirava, 10)

«Hłobus» (vuł. Zamkavaja, 21—30) — numary 1 i 3

Mahiloŭ

«Haściniec» (Viciebski praśpiekt, 48)

Babrujsk

«Krynica viedaŭ» (Horkaha, 31).

Baranavičy

«Knihi» (vuł. Savieckaja, 73) — numary 1 i 3

Maładziečna

«Spadčyna» (vuł. Prytyckaha, 7) — pačynajučy ad numara 3

Lida

«Knižny śviet» (pr. Pieramohi, 33) — pačynajučy ad numara 3

Navapołack

«Dom knihi» (vuł. Maładziožnaja, 145) — numary 1 i 3

«Uschod» (vuł. Kirava, 4) — numary 1 i 3

Pinsk

«Moj modny kut» (vuł. Lenina, 31)

Akramia taho, časopis možna kupić u PDF, u elektronnaj viersii. Rekamiendujem jaje dla ŭsich, u kaho niama dostupu da papiarovaj viersii.

Padpisny indeks 00469

Padpisacca možna, ale ŭžo tolki na 2019 hod. Padpisny indeks 00469. Numary hetaha hoda šukajcie ŭ šapikach, na raskładkach, u kniharniach i kniharoŭ.

Jakija pryncypy novaha časopisa

My robim navukova-papularny časopis. Heta značycca, što jon aryjentavany na prostaha čytača, a nie navukoŭcaŭ. Naš padychod — historyja prostymi słovami.

My zadumali jaho jak časopis, jaki budzie jadnać, a nie dzialić. Akramia taho, nam važnyja sistemnaść, abjektyŭnaść i histaryzm. Nam važna pisać bieź mifałohii i mistyfikacyj, bo tolki praŭda cikavaja.

Клас
0
Панылы сорам
0
Ха-ха
0
Ого
0
Сумна
0
Абуральна
0