Biełaruskamoŭnaja studentka treciaha kursa fiłałahičnaha fakulteta HrDU Alaksandra Radkovič atrymała ŭ padarunak ad Alaksandra Łukašenki pioravuju ručku, piša «Hrodzienskaja praŭda».

Čytajcie taksama: Biełaruskamoŭnaja studentka HrDU nie rašyłasia zadać Łukašenku pytańnie pa-biełarusku

U budučyni dziaŭčyna maryć stać televiadučaj. Pracavać pry hetym choča vyklučna na biełaruskich telekanałach.

— Ja patryjot svajoj krainy. U Biełarusi dla moładzi adkryty šyrokija pierśpiektyvy, važna tolki ŭmieć zajavić pra siabie. Chočacca vieryć, što ŭ mianie ŭsio atrymajecca.

Dziaŭčyna pryznałasia, što idučy na sustreču z Łukašenkam, była pierapoŭnienaja pačućciom honaru i zachapleńnia. Alaksandry ŭdałosia zadać jamu pytańnie.

U kancy sustrečy Alaksandry davieryli uručyć Łukašenku padarunak — albom z hraviurami znakamitych asob, žyćcio i dziejnaść jakich źviazana z Hrodzienščynaj.

Dziaŭčyna prezientavała padarunak pa-biełarusku, ale pytańnie zadała pa-rusku.

— Alaksandr Ryhoravič uśmichnuŭsia mnie ŭ adkaz i praciahnuŭ tuju samuju ručku, jakoj pisaŭ padčas sustrečy. Heta było nastolki niečakana, što ja navat nie mahu dasłoŭna ŭspomnić, jakija pry hetym słovy jon skazaŭ. Zdajecca, prezident vymaviŭ — «a voś heta moj padarunak dla ciabie», ale ja vielmi bajusia pamylicca ŭ dakładnaj farmuloŭcy.

— U płanach zachavać jaho jak siamiejnuju relikviju, pra jakuju ŭ budučyni zmahu raskazać svaim dzieciam. Karystacca ručkaj Alaksandra płanuje tolki ŭ samyja značnyja momanty žyćcia — jak talismanam.

Клас
0
Панылы сорам
0
Ха-ха
0
Ого
0
Сумна
0
Абуральна
0