Mienski rajonny sud pryznaŭ vinavatym u parušeńni praviłaŭ abychodžańnia sa zbrojaj sa śmiarotnym zychodam siaržanta Siarhieja Krupu. Prysud jamu — 2,5 hoda pazbaŭleńnia voli z adbyćciom pakarańnia ŭ kalonii-pasialeńni, piša «Radyjo Svaboda».

Fota: Radyjo Svaboda.

Fota: Radyjo Svaboda.

Krupa na sudzie całkam pryznaŭ svaju vinu. Siaržant skazaŭ, što nia viedaje, ci budzie abskardžvać prysud.

4 krasavika na palihonie niepadalok ad mikrarajonu Ŭručča pad Mienskam padčas bajavych zaniatkaŭ zahinuŭ sałdat Dźmitry Ŭdod.

Abvinavačany, siaržant Siarhiej Krupa, słužyŭ aperataram-navodčykam na BPM, jakuju vadziŭ zahinuły Dźmitry Ŭdod. Pavodle Krupy, strelby 4 krasavika mielisia prajści ŭ try etapy, padčas jakich adpracoŭvałasia nia tolki trapnaść stralby z kulamiota, ale i chutkaść, ź jakoj ekipaž raźmiaščaŭsia ŭ BMP i pakidaŭ mašynu.

«Adstralaŭšy stužku, navodčyk pavinien pravieryć, ci nie zastałosia ŭ kulamiocie patronaŭ, pastavić kulamiot na zaścierahalnik, padniać uharu stvoł, dałažyć kamandziru BMP, što stralba skončana», — raskazaŭ sudu siaržant Siarhiej Krupa.

4 krasavika pierad čarhovaj stralboj pry zaradcy kulamiota toj raptam streliŭ. Kula prajšła skroź plačo i trapiła ŭ hałavu mechanika-kiroŭcy Ŭdoda, jaki ŭ toj momant zajmaŭ svajo miesca ŭ BMP. Adziny streł staŭ śmiarotnym.

Udod prachodziŭ śviedkam pa spravie śmierci sałdata Alaksandra Koržyča. Jany słužyli ŭ adnoj rocie 72-ha abjadnanaha vučebnaha centru.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?