Šmatsłojnyja elektramahnitnyja ekrany, stvoranyja navukoŭcami Navukova-praktyčnaha centra Nacyjanalnaj akademii navuk Biełarusi pa materyjałaznaŭstvie, ustanoŭleny na borcie japonskaha kaśmičnaha aparata Mercury Magnetospheric Orbiter, jaki ŭdzielničaje ŭ daśledčaj misii BepiColombo.

U noč z 19 na 20 kastryčnika z kasmadroma ŭ Francuzskaj Hvijanie paśpiachova startavała jeŭrapiejskaja rakieta-nośbit ciažkaha kłasa Ariane-5. U kosmas jana vyvieła aparaty daśledčaj misii BepiColombo, jakaja padrychtavana Jeŭrapiejskim kaśmičnym ahienctvam (ESA) sumiesna ź Japonskim ahienctvam aerakaśmičnych daśledavańniaŭ (JAXA) dla vyvučeńnia Mierkuryja. Elektramahnitnuju sumiaščalnaść pryboraŭ unutry navukovaha kompleksu, u skład jakoha ŭvachodzić vysokadakładny mahnitomietr, na japonskim kaśmičnym aparacie Mercury Magnetospheric Orbiter zabiaśpiečvajuć raspracavanyja i vyrablenyja ŭ NPC NAN Biełarusi pa materyjałaznaŭstvie šmatsłojnyja elektramahnitnyja ekrany.

Ekrany zabiaśpiečvajuć vysokaefiektyŭnuju abaronu mikraelektronnych pryboraŭ i aparataŭ avijacyjnaha i kaśmičnaha pryznačeńnia ad uździejańnia elektramahnitnych vypramieńvańniaŭ. Elektramahnitnyja i ianizujučyja vypramieńvańni źjaŭlajucca adnymi z asnoŭnych destabilizujučy faktaraŭ, jakija ŭździejničajuć na funkcyjanalnaje abstalavańnie rakietna-kaśmičnych, avijacyjnych i naziemnych kompleksaŭ vyrabaŭ dvajnoha i śpiecyjalnaha pryznačeńnia.

Biełaruskija vučonyja ŭdzielničajuć u mižnarodnym kaśmičnym prajekcie pa daśledavańni Mierkuryja sumiesna ź Instytutam kaśmičnych daśledavańniaŭ Rasijskaj akademii navuk. Jak paviedamlajecca, palot budzie doŭžycca kala 7 hadoŭ. Prybyćcio ŭ rajon Mierkuryja čakajecca ŭ śniežni 2025 hoda. Navukoŭcy čakajuć, što abiedźvie stancyi zmohuć prapracavać u vakolicach Mierkuryja jak minimum hod.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?