30 śniežnia a 18.00 maleńkija i darosłyja hledačy zmohuć iznoŭ pabačyć Litaru Ŭ i jaje siabroŭ na scenie Maładziožnaha teatra estrady ŭ Minsku. Hetym razam — u novaj viersii kazki «Jak litara Ŭ uratavała Kalady».
«Pačakajcie, — skažacie vy. — Letaś ža była kazka z dakładna takoj nazvaj!» Tak, nazva zastałasia, ale novaja kazka budzie istotna adroźnivacca ad minułahodniaj, kažuć stvaralniki cykła kazak ab pryhodach Litary Ŭ Raman Arłoŭ i Kaciaryna Pocius: «Jaśka i Janinka buduć, jak i letaś, źbirać u Čaroŭnym Bary čaroŭnyja litary sa słova NADYŠOŬ. Nahadajem, kali jany nie buduć sabranyja — Novy Hod i Kalady nie pryjduć, i zima budzie biaskoncaj. Pieraškadžać dzieciam budzie bahinia zimy Marana, a dapamoža čaroŭnaja Litara Ŭ nieskładovaje».
Kvitki na śpiektakl možna nabyć anłajn.
I dadatkovaja kaladnaja prapanova ad arhanizataraŭ:
u časie imprezy možna budzie nabyć kampakt-dysk ź dzieviaćciu pieśniami z cykłu kazak ab pryhodach Litary Ŭ.
