U Kitai sabaka ŭžo 80 dzion čakaje haspadyniu na miescy jaje hibieli. Pra heta paviedamlaje infarmacyjny partał China News.
Z kanca žniŭnia sabaku bačać na abočynie darohi, u horadzie Chuch-Chota ŭ aŭtanomnym rajonie Unutranaja Manhołija.
«Užo amal try miesiacy, jak jon źjaviŭsia. Sabaka zaŭsiody tut, śviecić sonca, ci idzie doždž. Heta vielmi kranalna», — raspavioŭ žurnalistam taksist. Jon vykazaŭ zdahadku, što sabaka čakaje haspadyniu, zahinułuju ŭ avaryi na hetym miescy ranicaj 21 žniŭnia.
Mužčyna dadaŭ, što sabaku niekalki razoŭ sprabavali pakarmić, ale jon pałochaŭsia nieznajomcaŭ i ŭciakaŭ, varta było da jaho padyści. Kali ludzi sychodzili, sabaka viartaŭsia na svajo miesca.
