Upraŭleńnie prymusovaha vykanańnia źbirajecca dasyłać SMS daŭžnikam, dzie budzie infarmavać ab zaviadzieńni vykanaŭčaj vytvorčaści. Havorka idzie pra ŭsie zapazyčanaści, jakija ŭvachodziać u kampietencyju viedamstva — naprykład, niavypłatu alimientaŭ abo kredytaŭ, štrafie za pieravyšeńnie chutkaści abo raśpićcio śpirtnoha ŭ nienaležnym miescy. Padrabiaznaści raspaviali ŭ pres-słužbie ministerstva justycyi.
SMS buduć dasyłać paśla taho, kali budzie raspačata vykanaŭčaja vytvorčaść u adździele prymusovaha vykanańnia.
— Čałaviek pieravyšaje chutkaść, heta zafiksavana na kamieru. Uznikła zapazyčanaść, ale, vykažam zdahadku, prajšoŭ ŭstanoŭleny termin jaje apłaty. Tady pastanova pieradajecca sudovamu vykanaŭcu, jaki zavodzić vykanaŭčuju vytvorčaść, - tłumačać u pres-słužbie.
Apaviaščać buduć ab usich zapazyčanaściach, jakija ŭvachodziać u kampietencyju sudovych vykanaŭcaŭ. Naprykład, heta niavypłata alimientaŭ i kredytaŭ, fotafiksacyja DAI, administracyjnyja štrafy — u pryvatnaści, za bieźbiletny prajezd, raśpićcio śpirtnych napojaŭ abo pierachod u nienaležnym miescy.
Pakul prachodziać damoŭlenaści z apieratarami, ale ŭ ramkach zakona takuju rassyłku ŭžo možna zrabić.
- My pracujem z mabilnymi apieratarami i viedajem, jakija telefony zarehistravanyja na imia i proźvišča daŭžnika. Atrymlivajecca, kali zavodzicca vykanaŭčaja vytvorčaść na peŭnaha čałavieka, praz bazu dadzienych mabilnych apierataraŭ budzie vyznačany śpis jaho mabilnych numaroŭ. Mienavita na hetyja numary buduć iści SMS.
Jak mienavita budzie vyhladać rassyłka, pakul nieviadoma, hetaje pytańnie prapracoŭvajecca.
- Miarkujecca, što tekst SMS-rassyłki budzie ŭtrymlivać infarmacyju ab tym, što čałaviek zaraz daŭžnik i ŭ dačynieńni da jaho raspačali vykanaŭčuju vytvorčaść. Taksama tam buduć kantaktnyja dadzienyja sudovaha vykanaŭcy.