Hubiernatar Smalenskaj vobłaści Alaksiej Astroŭski prapanavaŭ stvaryć mižnarodny punkt propusku zamiežnych hramadzian na miažy ź Biełaruśsiu na sustrečy z rasijskim premjeram Dźmitryjem Miadźviedzievym, paviedamlaje TASS.
«Abmiarkoŭvałasia arhanizacyja mižnarodnaha punkta propusku zamiežnych hramadzian na miažy Smalenskaj vobłaści i Respubliki Biełaruś u pasiołku Čyrvonaja Horka. Adznačałasia, što ciapier zamiežnyja turysty i inviestary nie mohuć ujechać na terytoryju Rasii praz Smalenskuju vobłaść. Hety fakt samym niehatyŭnym čynam adbivajecca na pryciahnieńni inviestycyj u rehijon, a taksama raźvićci turystyčnaj haliny i mižnarodnaha supracoŭnictva», — skazali ŭ pres-słužbie.
Pavodle ŭładaŭ rehijonu, praz Smalenščynu prachodziać 75% hruzaŭ ź Jeŭropy ŭ Rasiju i 35% rasijskich hruzaŭ.
1 lutaha 2017 hoda dyrektar FSB Rasii Alaksandr Bortnikaŭ daručyŭ ustanavić pamiežnuju zonu ŭ pamiežnych ź Biełaruśsiu rehijonach Rasii, zahad nabyŭ moc 7 lutaha 2017 hoda.