U Armenii raspačataja kryminalnaja sprava suprać ZAT «Hazprom Armienija», jakoje naležyć rasiejskamu «Hazpromu». Firmu padazrajuć u niavypłacie padatkaŭ u asabliva bujnych pamierach, paviedamlaje Radyjo Svaboda.
U peryjad z 2016 pa 2017 hod kampanija «Hazprom Armienija» pieradavała ŭ dziaržaŭnyja orhany «zaviedama łžyvyja» dadzienyja pra abjomy hazu, što pradajecca ŭ krainie. Škoda, naniesienaja biudžetu Armenii, aceńvajecca ŭ niekalki miljardaŭ armianskich dram, havorycca ŭ kamiunikie Kamitetu dziaržaŭnych dachodaŭ Armenii.
Parušeńni vyjavili śledčyja padčas pravierki: vyśvietliłasia, što «Hazprom Armienija» prynižała svoj prybytak, tym samym uchilajučysia ad vypłaty padatkaŭ u asabliva bujnych pamierach. U viedamstvie zajavili, što kampanija taksama hublała haz padčas pastavak na zapravačnyja stancyi.
Vyśvietliłasia, što vieličynia strat u raźmierkavalnaj systemie ŭ červieni-lipieni 2018 hodu u paraŭnańni z studzieniem-traŭniem 2018 hodu źniziłasia ŭ siarednim u try razy», — havorycca ŭ zajavie.
U samoj kampanii zajavili, što infarmacyja viedamstva «biespadstaŭnaja», a sama kampanija zaŭsiody vykonvała ŭsie padatkovyja abaviazacielstvy.
«Kompleksnaja pravierka ŭ kampanii pačałasia 1 kastryčnika i praciahvajecca da siońniašniaha dnia. Dahetul kamitet nie pradstaviŭ jakoha-kolviek epizodu ab parušeńni kampanijaj pałažeńniaŭ padatkovaha zakanadaŭstva», — havorycca ŭ pres-relizie «Hazprom Armienii».
«Hazprom Armienija» — manapalist na rynku pastavak hazu ŭ Armenii. Pavodle kantraktu, padpisanaha z «Hazpramam» ŭ 2014 hodzie, firma zakuplaje ŭ Rasiei 2,5 miljarda kubičnych metraŭ hazu štoho
