Fota ź Vikipiedyi
Prynamsi 13 krain zacikaŭleny ŭ nabyćci rasijskich zienitnych rakietnych sistem S-400 zamiest płatformaŭ, stvoranych amierykanskimi kampanijami. Ich nie pałochajuć mahčymyja sankcyi z boku Vašynhtona, paviedamili telekanału CNBC krynicy, znajomyja ź infarmacyjaj raźviedki ZŠA.
Pa ich słovach, u Saudaŭskaj Aravii, Katary, Ałžyry, Maroka, Jehipcie, Vjetnamie i Iraku ŭžo abmiarkoŭvajuć pytańnie nabyćcia S-400.
Adzin z surazmoŭcaŭ kanała patłumačyŭ pieravahi rasijskich sistem pierad amierykanskimi. Jon adznačyŭ, što praces nabyćcia zbroi ZŠA uskładnieny biurakratyčnymi zatrymkami: nieabchodna atrymać dazvoł niekalkich viedamstvaŭ, tady jak u Rasii heta zrabić praściej i chutčej. Akramia taho, adznačyła krynica, Maskva pradaje ŭzbrajeńnie za mienšuju canu, i jano nie maje patreby ŭ darahoj techpadtrymcy.
Inšy surazmoŭca raspavioŭ žurnalistam, što Rasija, jak praviła, moža pačać pastaŭki sistem na praciahu dvuch hadoŭ paśla padpisańnia kantraktu, čaho naŭrad ci možna čakać ad ZŠA.
Što tyčycca techničnych charaktarystyk S-400, to adzin z krynic kanała zaŭvažyŭ, što choć heta zbroja nie idealna, ale moža zaciamnić amierykanskuju supraćrakietnuju sistemu THAAD.
U kastryčniku paviedamlałasia, što rasijskija płatformy kupiła Indyja. Da hetaha byli padpisanyja kantrakty z Kitajem i Turcyjaj.
S-400 «Tryumf» — rasijskaja zienitnaja rakietnaja sistema vialikaj i siaredniaj dalokaści. Pryznačana dla źniščeńnia ŭsich sučasnych i pierśpiektyŭnych srodkaŭ pavietrana-kaśmičnaha napadu. Pryniataja na ŭzbrajeńnie ŭ Rasii ŭ 2007 hodzie.
