Pahadnieńnie ab uzajemnym pryznańni vizaŭ pamiž Biełaruśsiu i Rasijaj moža być padpisana 13 śniežnia hetaha hoda. Pra heta žurnalistam zajaviŭ ministr zamiežnych spraŭ Biełarusi Uładzimir Makiej.
Pa słovach Makieja, siońnia prajekt pahadnieńnia znachodzicca ŭ finalnaj stadyi. Da kanca hetaha miesiaca rabočaja hrupa pa pytańniach mihracyi ŭ ramkach Sajuznaj dziaržavy pavinna sabracca i abmierkavać hetaje pytańnie.
- Tam zastałosia niekalki techničnych momantaŭ, jakija treba likvidavać. Ja dumaju, što jano moža być padpisana na pasiadžeńni Savieta ministraŭ Sajuznaj dziaržavy ŭ śniežni. Hałoŭnaja zadača tam — paźbiehnuć kantrolu na ŭnutranych miežach, bo heta važna ŭ kantekście tranzitnaha składnika, — skazaŭ Makiej.
Praca nad pahadnieńniem ab uzajemnym pryznańni vizaŭ u Biełarusi i Rasii praciahvajecca bolš za hod. U vyniku pytańnie pa pierasiačeńni ŭnutranaj miažy hramadzianami trecich krain zastajecca niavyrašanym. Zajavy ab chutkim padpisańni pahadnieńnia (da kanca 2017 hoda, viasnoj 2018 hodu) pakul zastalisia nierealizavanymi.
