pixabay.com

pixabay.com

Novaja adzinka ŭ polskim vojsku pad nazvaj «18» budzie kantralavać «histaryčnyja kirunki napadu na Polšču z uschodu», paviedamlaje Radyjo Svaboda sa spasyłkaj na Gazeta Wyborcza.

Da 2026 hoda ŭ polskim vojsku budzie stvoranaja novaja dyvizija. Jana stanie «adkazam na ahresiŭnuju palityku Rasiei», zajaviŭ polski vice-ministar abarony. Cana dyvizii na praciahu 10 hadoŭ składzie 7 młrd dalaraŭ.

Da hetaj pary ŭ Polščy dziejničajuć try dyvizii: u Žahani (paŭdniova-zachodniaja častka krainy), Ščecinie (paŭnočny zachad) i Elblonhu (paŭnočny ŭschod). Novaja dyvizija raźmiaścicca ŭ horadzie Siedlce, na ŭschodzie Polščy, za 70 km ad biełaruskaj miažy. Jana budzie nazyvacca «18», u honar adnaŭleńnia polskaj niezaležnaści ŭ 1918 hodzie.

Jak raspavioŭ vice-ministar abarony Vojciech Skurkievič, u mirny čas u dyvizii budzie 7780 žaŭnieraŭ, ź jakich 750 pavinny być aficerami. Naprykancy farmavańnia jana pavinna składacca z troch bryhadaŭ. Dźvie ź ich užo isnujuć siońnia. Treciaj stanie bryhada ŭ Lublinie. Jaje zadačaj maje być kantrol terytoryi ad Bieraścia da horadu Pšemyśl, abo, jak skazaŭ polski vice-ministar, «histaryčnyja napramki napadu na Polšču z uschodu».

Pavodle polskaha hienerała Tomaša Piatroŭskaha, na hetaj terytoryi pavinny stacyjanavać bujnyja vajskovyja adzinki, pakolki dapamoha NATO budzie kancentravacca ŭ paŭnočna-zachodniaj Polščy.

Polskaja apazycyja nazvała hetaje rašeńnie «prapahandysckim» i pryniatym z parušeńniem zakonu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?