@BBC3CR
Brytaniec Eryk Torp 44 hady zapar vioŭ ułasnaje radyjošou z chlava. Uvieś hety čas mužčynu słuchała tolki žonka, paviedamlaje The Daily Mail.
73-hadovy Torp raspavioŭ, što zachapiŭsia radyjoviaščańniem paśla prasłuchoŭvańnia pirackich stancyj u 1960-ch. Kali dziaržava abviaściła ich pa-za zakonam, mužčyna vyrašyŭ zmahacca z režymam i zapuściŭ ułasnaje viaščańnie pad nazvaj Radio 77.
U Torpa nie było licenzii, što nie zaminała jamu tranślavać muzyku papularnych pop-vykanaŭcaŭ, pierakazvać miascovyja naviny i ahučvać niesapraŭdnyja rekłamnyja abjavy. Usio heta čuła tolki jaho žonka. Adnak kali jaje nie było doma, radyjoviadoŭca nie spyniaŭ efiry.
Adnojčy z-za šumu ŭ chlavie susiedzi paskardzilisia na Torpa ŭ palicyju. Vinavaty skarystaŭsia situacyjaj i ŭziaŭ intervju ŭ vartavych pravaparadku.
Paśla doŭhich hadoŭ bieśpierapynnaj pracy radyjoviadučamu narešcie ŭśmichnuŭsia pośpiech. Pra jaho ŭspomnili supracoŭniki «Bi-bi-si»: u 1974 hodzie ab starańniach mužčyny raskazvali stvaralniki prahramy Nationwide. Uryvak prahramy byŭ apublikavany na staroncy BBC Archive ŭ tvitary.
