Fota fiba.basketball.
Žanočaja zbornaja Biełarusi pa baskietbole pieramahła na vyjeździe Turcyju ź likam 60:56 u zaklučnym matčy kvalifikacyi da čempijanatu Jeŭropy 2019 hoda, paviedamlaje BiełTA.
Pieršaja čverć sustrečy ŭ Kajsiery prajšła va ŭpartaj baraćbie. Haspadyni placoŭki tolki pierad vialikim pierapynkam zmahli vyjści napierad - 35:32. Paśla adpačynku padapiečnyja Natalli Trafimavaj upeŭniena dziejničali ŭ abaronie i pad ščytom supiernic.
U zaklučnyja dziesiać chvilin matču turčanki za čatyry z pałovaj chviliny da sireny vyjšli napierad - 54:53. Adnak haspadyni davoli chutka atrymali piać kamandnych fołaŭ, paśla jakich pry parušeńni praviłaŭ pryznačajucca štrafnyja kidki.
Nieŭzabavie Kaciarynie Snycinaj udałosia zakinuć z dalokaj dystancyi i prynieści try ački biełaruskam. Vynikovy lik - 60:56.
