Pamior načalnik Hałoŭnaha ŭpraŭleńnia Hienieralnaha štaba Uzbrojenych sił (HRU) Rasii hienierał-pałkoŭnik Ihar Korabaŭ.

Korabavu było 62 hady. Pryčynaj śmierci nazvana «ciažkaja i praciahłaja chvaroba».

Korabaŭ uznačaliŭ viedamstva paśla śmierci papiaredniaha načalnika Ihara Sierhuna, što pamior 3 studzienia 2016 hoda.

Z taho času rasijskaja vajennaja raźviedka praviała niekalki hučnych apieracyj, a jaje kiraŭniki i supracoŭniki patrapili pad sankcyi ci apynulisia ŭ centry skandałaŭ.

Tak, ZŠA abvinavacili HRU ŭ kibieratacy na sierviery Demakratyčnaj partyi ŭ 2016 hodzie i ŭ sprobach umiašacca ŭ vybary. Brytanskija ŭłady abvinavacili HRU ŭ atručvańni byłoha pałkoŭnika Siarhieja Skrypala i jaho dački.

Paźniej źjaviłasia aficyjnaje abvinavačvańnie ŭ tym, što vajennaja raźviedka Rasii pravodziła kibierataki suprać Arhanizacyi pa zabaronie chimičnaj zbroi (AZCHZ), Suśvietnaha antydopinhavaha ahienctva i śledčych, jakija viaduć spravu ab krušeńni małajzijskaha «Boinha» na Danbasie.

Sa śniežnia 2016 hoda Korabaŭ znachodziŭsia pad piersanalnymi sankcyjami ZŠA, ich uviali ŭ suviazi ź mierkavanym umiašańniem Rasii ŭ amierykanskija vybary.

Клас
0
Панылы сорам
0
Ха-ха
0
Ого
0
Сумна
0
Абуральна
0