Sud u Hvatemale prysudziŭ adstaŭnoha vajskoŭca 66-hadovaha Santasa Łopiesa Ałonzu, jaki słužyŭ u śpiecpadraździaleńni miascovych uzbrojenych siłaŭ Kaibiles, da 5160 hadoŭ turmy. Mužčyna byŭ pryznany vinavatym va ŭdziele ŭ masavych zabojstvach mirnych žycharoŭ u abščynie Dos-Eras padčas hramadzianskaj vajny 1960-1996 hadoŭ u Hvatemale.

Łopies Ałonza niasie adkaznaść za zabojstva 171 čałavieka ŭ śniežni 1982 hoda, pryjšoŭ da vysnovy sudździa Ełvis Devid Ernandes.

Za kožnuju z achviaraŭ byłomu vajennamu jon pryznačyŭ pa 30 hadoŭ turmy. Jašče 30 hadoŭ pazbaŭleńnia voli jamu dali za złačynstvy suprać čałaviečnaści.

Takim čynam, ahulny turemny termin, da jakoha byŭ prysudžany mužčyna, skłaŭ 5160 hadoŭ.

Adnak za kratami Łopies Ałonza, jak udakładniaje 20minutos, praviadzie nie bolš za 50 hadoŭ - u Hvatemale hety termin źjaŭlajecca maksimalnym, dazvolenym zakonam.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?