U Hrodnie vyjaŭleny čaćviorty vypadak zachvorvańnia na šalenstva žyvioł u 2018 hodzie. Pra heta BIEŁTA paviedamiŭ namieśnik hałoŭnaha vieterynarnaha doktara Dźmitryj Hajda.

Nieviadomy źviarnuŭsia ŭ haradskuju vietstancyju pa telefonie i raspavioŭ, što na vulicy Davyda Haradzienskaha znojdzieny trup kata. Na miesca vyjechali śpiecyjalisty. Łabaratornyja daśledavańni pakazali, što žyvioła chvareła na šalenstva.

U rajonie, a hetaja vulica raźmieščana ŭ centry Hrodna, pravodziacca nieabchodnyja mierapryjemstvy, u tym liku pazapłanavaja vakcynacyja (na bazie ŽESaŭ).

Heta čaćviorty vypadak šalenstva žyvioł u abłasnym centry. U kastryčniku karancin na dźviuch vulicach uvodziŭsia z-za šalonych tchara i kata, u pačatku listapada pryčynaj karancinu taksama staŭ šalony kot.

Клас
0
Панылы сорам
0
Ха-ха
0
Ого
0
Сумна
0
Абуральна
0