Maładziečanski rajonny sud ahučyŭ prysudy čatyrom supracoŭnikam Miadzielskaha adździeła Śledčaha kamitetu i sudmiedekspertu, piša Radyjo Svaboda.

Śledčy Maksim Valeŭka, jaki dvojčy ŭdaryŭ milicejskaj dubinkaj žycharku Miadzieła Volhu Daŭžuk padčas śledčych dziejańniaŭ, pryznany vinavatym u falšavańni dokazaŭ, hvałcie ŭ dačynieńni da paciarpiełaj i pasobnictvie złačynstvu. Jaho pakarali 4 hadami ŭzmocnienaha režymu biez kanfiskacyi majomaści, z pazbaŭleńniem zvańnia kapitana justycyi.

Inšych supracoŭnikaŭ pryznali vinavatymi va ŭtojvańni ŭčynku svajho kalehi. Heta načalnik adździełu Śledčaha kamitetu Miadziełu Alaksandar Štura, jahony namieśnik Michaił Sakałdynski i supracoŭnica adździełu Hanna Sakałdynskaja.

Alaksandar Štura pakarany 3,5 hadami ŭzmocnienaha režymu biez kanfiskacyi majomaści, z pazbaŭleńniem zvańnia padpałkoŭnika justycyi.

Michaił Sakałdynski pakarany 3 hadami ŭzmocnienaha režymu z pazbaŭleńniem zvańnia padpałkoŭnika justycyi.

Śledčy Hanna Sakałdynskaja i ekśpiert Alena Kabicienka asudžanyja na terminy pa try hady, ale z adterminoŭkaj vykanańnia na dva hady. Heta značyć, jany zastanucca na svabodzie, kali znoŭ nie parušać zakon.

Клас
0
Панылы сорам
0
Ха-ха
0
Ого
0
Сумна
0
Абуральна
0