schutterstock.com

schutterstock.com

U 2019 hodzie ŭ Biełarusi budzie adziny taryf na elektryčnuju enierhiju dla nasielnictva.

Vice-premjer Uładzimir Kucharaŭ zajaviŭ, što ad ciapier budaŭničy kompleks budzie nakiravany na maksimalnaje vykarystańnie elektryčnaj enierhii ŭ žyłych damach.

«Paśla budaŭnictva BiełAES u nas budzie ŭ dastatkovaj kolkaści ajčynnaj elektraenierhii. My bačym, što zmožam dać dla nasielnictva tannuju elektraenierhiju ŭ lubych abjomach», — patłumačaŭ jon.

Miarkujecca, što dastupny košt elektraenierhii stanie hałoŭnym stymułam dla jaje maksimalnaha vykarystańnia.

«Pracujem ź Ministerstvam enierhietyki pa taryfach na elektraenierhiju, jakija składuć kankurencyju taryfam na aciapleńnie. U bližejšy čas pryjdziem da taryfaŭ, jakija buduć źnižany dla damoŭ z elektryčnym aciapleńniem. Akramia taho, budaŭnictva takich damoŭ daść mahčymaść značna źnizić abjom srodkaŭ, nieabchodnych dla budaŭnictva infrastruktury», — dadaŭ vice-premjer.

Клас
0
Панылы сорам
0
Ха-ха
0
Ого
0
Сумна
0
Абуральна
0