U adnym z čarhovych vypuskaŭ prahramy «Razmovy z uładykam Paŭłam» patryjaršy ekzarch Biełarusi adkazaŭ na pytańnie, kim stanie pravasłaŭny čałaviek, kali voźmie šlub z musulmankaj pa musulmanskim zvyčai. 

Videa pačynałasia z zaklika da «Śviatoj Rusi» zachoŭvać vieru. 

Adkaz pa sutnaści Pavieł daŭ adrazu: «Ja nie viedaju, kim jon stanie», — skazaŭ jon. 

A potym zaklikaŭ zachoŭvać pravasłaŭnuju vieru, pierajmajučy prykład musulman.

«Ja b chacieŭ źviarnuć uvahu na musulman — jak jany zachoŭvajuć vieru, jak jany vyznajuć jaje, jak jany molacca, — skazaŭ mitrapalit Pavieł. — Kali pryjšoŭ čas rabić namaz, to ŭsio: chaj choć tanki stralajuć, chaj choć z aŭtamatami na ich iduć, stralajuć ich.. Musulmanin raskryŭ svoj dyvan, zrabiŭ amavieńnie, robić malitvu, ty jaho choć zabi, a jon budzie rabić».

«Źviarnicie ŭvahu, jaki ŭ ich nastroj. A my jak, pravasłaŭnyja?

Śviečku pastaviŭ i ŭciok. U nas stryžnia niama, my zhubili stryžań. Ujaŭlajecie, chto taki čałaviek z nadłamanym chrybtom? Jon ni chadzić, ni ruchacca nie moža. Pavinien być i stryžań dušy», — skazaŭ taksama Pavieł.

Kali čałaviek zhubić pravasłaŭnuju vieru, to jon stanie «harełaj hałavieškaj», pieraściaroh mitrapalit. 

Клас
0
Панылы сорам
0
Ха-ха
0
Ого
0
Сумна
0
Абуральна
0