Miechanizavanyja padraździaleńni biełaruskaj armii papoŭnilisia tankami T-72B3. Uračystaja cyrymonija ŭručeńnia prajšła siońnia ŭ 120-j miechanizavanaj bryhadzie, paviedamlaje Vajen-TB.

U ramkach vajenna-techničnaha supracoŭnictva mašyny prajšli hłybokuju madernizacyju na rasijskim pradpryjemstvie «Urałvahonzavod». Uzor atrymaŭ abnoŭlenuju siłavuju ŭstanoŭku, harmatu pavyšanaj mahutnaści i dakładnaści, a taksama sučasny prycelny kompleks. Akramia taho, T-72B3 abstalavany sistemaj dynamičnaj abarony «Kantakt», jakaja ŭ dva razy padvysiła ŭstojlivaść korpusa suprać kumulatyŭnych snaradaŭ i ŭ paŭtara - ad padkalibiernych.

Tanki pryniaŭ na ŭzbrajeńnie adzin z bataljonaŭ 120-j miechanizavanaj bryhady. Usiaho ŭ padraździaleńnie pastupiła dziesiać tankaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0