Adpaviednaje rašeńnie pryniali 22 listapada na pašyranym pasiadžeńni rady REP. Jano stała vymušanym, bo sudovaja pastanova zabaraniaje Fiadyniču zajmać kiroŭnyja pasady terminam na 5 hadoŭ, paviedamlaje Radyjo Svaboda.

Siońnia aktyvisty REP pastanavili, što spadarynia Michniuk budzie vykonvać abaviazki staršyni prafsajuzu da 2020 hodu, kali adbudziecca čarhovy źjezd niezaležnaha prafsajuzu.

Chto takaja Zinaida Michniuk?

Jana kiravała rehijanalnaj prafsajuznaj supołkaj REP Bieraściejskaj vobłaści, adnačasova źjaŭlałasia namieśnicaj Hienadzia Fiadyniča.

Zinaida Michniuk nieadnarazova ładziła prafsajuznyja akcyi ŭ rehijonie, skiravanyja na padtrymku pravoŭ pracoŭnych i hodnyja zarobki. Prajšła praz sudovyja štrafy roznaha pamieru, «źniaćcio ź ciahnika» na biełaruskaj miažy dy inšyja pakarańni z boku ŭładaŭ.

Jana kaža: «Kali b u krainie była takaja ž salidarnaść, jak u niezaležnych prafsajuzach, to možna było b hory źviarnuć. Kali b ludzi nie byli zastrašanyja kantraktami i ŭstupali ŭ niezaležnyja prafsajuzy, jakija realna abaraniajuć pravy hramadzian, to pačućcio salidarnaści mahło b źjavicca značna raniej. Prosta treba pierastać bajacca».

Fiadynič: «U mianie nie było inšaha vyjścia»

Ciapier užo eks-staršynia REP skazaŭ Svabodzie, što ŭ jaho nie było inšaha vyjścia, jak pakinuć pasadu: «Kali b ja zastavaŭsia kiraŭnikom, to ŭłady mahli b užyć sankcyi da ŭsiaho prafsajuzu REP. Takoj mahčymaści my im nie damo».

Zinaidu Michniuk jon nazvaŭ «sapraŭdnym bajcom», jakaja zarekamendavała siabie stanoŭčym čynam šmathadovaj plonnaj pracaj u rehijanalnaj supołcy REP.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?