Były vajskoviec z Hvatemały asudžany na 5160 hadoŭ turmy: jaho pryznali datyčnym da masavaha zabojstva, jakoje adbyłosia bolš za 30 hadoŭ tamu, piša bbc.com

U 1982 hodzie ŭ pasiołku Dos Eres byli zabityja bolš za 200 čałaviek - heta adzin z samych žorstkich epizodaŭ hramadzianskaha kanfliktu, jaki doŭžyŭsia ŭ Hvatemale na praciahu 36 hadoŭ - ad 1960 da 1996.

Santasa Łopieza pryznali vinavatym u 171 z hetych śmierciaŭ. 

Jon byŭ členam farmiravańnia «Kajbiles» — padraździaleńnia ŭzbrojenych siłaŭ Hvatemały, jakoje śpiecyjalizavaŭsia na viadzieńni vajny ŭ džunhlach i baraćbie z paŭstancami.

Sud vyrašyŭ, što za kožnaje z zabojstvaŭ čałaviek pavinien atrymać pa 30 hadoŭ turmy. Jašče 30 hadoŭ Łopiez atrymaŭ za inšy epizod, źviazany ź jaho rolaj u zabojstvie dziaŭčyny.

Śpiecpadraździaleńnie uzbrojenych sił Hvatemały napała na miastečka Dos Eres 6 śniežnia 1982.

«Kajbiles» padazravali miascovych žycharoŭ u simpatyjach da paŭstancaŭ, jakija za miesiac da hetaha z zasady zabili 21 vajskoŭca.

Niahledziačy na ​​toje, što padčas pieratrusu pasiołka «Kajbiles» nie znajšli nijakaj zbroi, jakuju paŭstancy mahli adabrać u zahinułych sałdat, žycharoŭ vyrašyli zabić.

Na praciahu niekalkich dzion sałdaty rasstrelvali i zabivali da śmierci mužčyn, žančyn i dziaciej. Cieły zahinułych skidali ŭ kałodziež.

Adzin ź niamnohich žycharoŭ Dos Eres, jakim udałosia vyžyć, — trochhadovy chłopčyk Oskar. Adzin z vajskoŭcaŭ vyratavaŭ jaho ad śmierci. Chłopčyka vychoŭvali baćki sałdata.

Akramia Santasa Łopieza, pa spravie ab masavym zabojstvie ŭ pasiołku Dos Eres turemnyja terminy atrymali jašče piaciora byłych vajskoŭcaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0