Na hetym tydni ŭ Breście pačalisia biaspłatnyja kursy ŭkrainskaj movy. Na ich zapisałasia bolš za 20 čałaviek. Siarod vučniaŭ jość ludzi siaredniaha vieku, ale bolšaść — moładź.

Matyvacyi roznyja: chtości piša dypłomnuju rabotu pra padziei va Ukrainie, chtości choča jak śled avałodać movaj prodkaŭ (naprykład, na zaniatki pryjšła ŭnučka ŭkrainskamoŭnaha piśmieńnika z Kobrynščyny Uładzimira Kytajeŭskaha (1886-1940)).

Temaj pieršaha zaniatku stali litary ŭkrainskaha ałfavitu. Zaniatki ŭ Breście viaduć univiersiteckija vykładčyki. U budučyni na kursach čakajuć cikavych haściej, najpierš z Ukrainy.

Kursy arhanizavała ŭkrainskaje navukova-piedahahičnaje tavarystva «Bierahinia» i konsulstva Ukrainy ŭ Breście. «Bierahinia» brała na siabie pytańni pa arhanizacyi, konsulstva śpiecyjalna dla zaniatkaŭ nabyło novuju mahnitna-markiernuju došku.

Zaniatki adbyvajucca pa paniadziełkach, a 17.45, u centry horada — Bresckaj haradskoj dziciačaj biblijatecy imia Puškina (nabiarežnaja F.Skaryny, 32). Zapisacca možna pa telefonie +375297210205.

Kursy ŭkrainskaj movy ŭ Breście - trecija pa liku paśla Minska i Homiela. Minskija kursy adbyvajucca ŭžo dva hady. Pa piatnicach adna hrupa pačatkoŭcaŭ zajmajecca a 18-j u Centry nacyjanalnych kultur (Čyčeryna, 19), druhaja a 18-j na siadzibie TBM (Rumiancava, 13).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?