22 listapada hałoŭnamu redaktaru ​​partała TUT.BY Marynie Zołatavaj vystavili abvinavačvańnie.

Fota: Dźmitryj Bruško, TUT.BY.

Fota: Dźmitryj Bruško, TUT.BY.

Abvinavačvańnie Marynie Zołatavaj vystaŭlena pa č. 2 art. 425 Kryminalnaha kodeksa Biełarusi (Biaździejnaść słužbovaj asoby). Sankcyi pa hetym artykule praduhledžvajuć ad štrafu da piaci hadoŭ pazbaŭleńnia voli.

Raniej jana taksama była padazravanaj pa č. 2 art. 349 (Niesankcyjanavany dostup da kamputarnaj infarmacyi) Kryminalnaha kodeksa. Kryminalny pieraśled pa hetym artykule ŭ dačynieńni da Maryny Zołatavaj spynieny «ŭ suviazi ź nieździajśnieńniem złačynstvam».

Takim čynam, usim fihurantam «spravy BiełTA» (na dadzieny momant ich naličvajecca 15 čałaviek) vystaŭlenyja abvinavačvańni.

Z dakumientaŭ vynikaje, što abvinavačanyja žurnalisty i redaktary nibyta «naŭmysna z karyślivaj i inšaj asabistaj zacikaŭlenaści ździejśnili niesankcyjanavanyja dostupy, što supravadžalisia parušeńniem sistemy abarony, da kamputarnaj infarmacyi, jakaja zachoŭvajecca ŭ kamputarnaj sistemie i sietki respublikanskaha UP «BiełTA», jakija paciahnuli pa nieaściarožnaści pryčynieńnie inšaj istotnaj škody».

Usim fihurantam byŭ vystaŭleny štraf. Jaho sumy varjirujucca ad 3 da 17 tysiač rubloŭ.

Dvuch fihurantaŭ pa «spravie BiełTA», ułasnaha karespandenta «Niamieckaj chvali» Paŭła Bykoŭskaha i redaktara partała Realt.by Uładzisłava Kuleckaha, siońnia, 22 listapada, vyzvalili ad kryminalnaj adkaznaści.

Nahadajem, 7 žniŭnia ŭ ofisach kampanij TUT.BY i BiełaPAN prajšli pieratrusy i zatrymańni. Byli zatrymanyja hałoŭny redaktar ​​TUT.BY Maryna Zołatava, redaktary partała Hanna Kałtyhina, Halina Ułasik i Hanna Jermačonak, hałoŭny redaktar ​​BiełaPAN Iryna Leŭšyna i mižnarodny ahladalnik infarmahienctva Taćciana Karaviankova, ułaskar «Niamieckaj chvali» Pavał Bykoŭski i redaktar ​​internet-sajtu haziety «Biełarusy i rynak» Alaksiej Žukaŭ. Usie jany praviali pa niekalki sutak u izalatary časovaha ŭtrymańnia na Akreścina. 27 žniŭnia bolšaści padazravanych byŭ zabaronieny vyjezd z krainy.

Žurnalistaŭ i redakcyi padtrymali Jeŭrasajuz, Rada Jeŭropy, ZŠA, a taksama mižnarodnyja pravaabarončyja arhanizacyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?